ميزو ـ تتجوزيني ؟

سمسمه ـ إنت تاني ؟

ميزو ـ جبتلك حمّام إنما إيه

سمسمه ـ خليه ينفعك

ميزو ـ ليه بس ؟ .. ده ينفع لينا احنا الاتنين

سمسمه ـ وأنا مالي ؟

ميزو ـ مش عاجبك .. مش مشكلة .. أكتبه باسمك



*****


(بعد سنين) ..


ميزو ـ هتتجوزيني ولا أولع فيكي ؟

سمسمه ـ ومالك محروق كدة ؟

ميزو ـ حكايتنا طولت قوي .. طولت أكتر من اللازم

سمسمه ـ أوكي .. بس ممكن أعرف حاجة ؟

ميزو ـ إيه ؟

سمسمه ـ إنت ليه متمسك بيا أوي كدة يا مزمز ؟

ميزو ـ أصل .. أصل ..

سمسمه ـ أصل إيه ؟

ميزو ـ أصل أنا بحُبك (بضم الحاء) !

سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..

وبعدين خليك روش وقول : I love you

ميزو ـ ماشي .. بس قوليلي ..

سمسمه ـ نعم ؟

ميزو ـ روش دي تبقى شتيمة ؟