- هل هزمك حزنك في يوما من الايام ؟
تقريبا كده فى مره من المرات حصل لكن عمره ما هيقدر يهزمنى تانى أبدا
- لو خيروك بين حبيبك وبين أعز صديق لك من تختار ؟
بصراحه وبدون كدب هختار حبيبى
(هو فى حد يعنى يقدر يتحكم فى قلبه)
- هل تعتقد أن حظك سيء ؟؟
بصراحه انا مش بؤمن بموضوع الحظ ده
عشان كل شئ مكتوب ولا تقوللى بقى حظ سيئ ولا حظ مش سيئ
- حكمة تؤمن بها جدا ؟
ضاقت فلما استحكمت حلقاتها فرجت وكنت أظنها لا تفرج
- اي الدول تتمنى ان تزورها ؟
ممكن نقول أمريكا بصراحه عندى رغبه شديده فى إنى أشوف أمريكا دى عامله ازاى
والناس اللى فيها عايشين ازاى
-هل تؤيد الزواج العاطفي ام الزواج التقليدي؟ ولماذا ؟
طبعا العاطفى وهو حد عنده راى تانى
هو فيه أفضل من الجواز عن حب
- أيهما أهم شهادتك الجامعية او الزواج بمن تحب ؟
بصراحه برضو وبدون كدب الأهم انى أتجوز اللى بحبه
هى طبعا الشهاده مهمه جدا وهى اساس كل حاجه ولو خيرونى بين الزواج عامة وبينها هختار الشهاده طبعا
لكن الزواج من اللى بحبه ده شئ تانى شئ رائع محدش يقدر على وصفه
وبعد كده بقى ابقى أخد الشهاده هى هتطير يعنى
- هل كنت السبب في يوم من الايام بتدمير حياة شخص سواء حياته العملية او الأجتماعية أو العاطفية ؟
الحمد لله محصلش أبدا
وان شاء الله عمره ما هيحصل
موصلناش لسه للدرجه البشعه دى
- هل أنت مدمن تفكير ؟
عادى يعنى
فى المتوسط
بفكر فى الوقت اللى لازم أفكر فيه
لكن أنا أكيد يعنى مش نيوتن ولا آينشتاين
-هل ملابس الشخص الذي أمامك تؤثر في انطباعك ؟
الى حد ما بس حد بسيط مش كبير أوى
يعنى غصب عنى أكيد انطباعى ناحيته هيتغير حسب لبسه
لأنى من طريقة لبسه هكون فكره عنه هتخلينى أتعامل معاه من خلال الفكره دى
- ما هو اقتراحك لمن يبحث عن السعادة , ما اهم خطوة يجب ان يقوم بها ؟
أهم خطوه يقوم بيها انه يتغير من جواه وميبقاش نكدى
ويحاول يبص للأمور وللحياه بنظره مرحه تفاؤليه
ويحاول يسامح أوى ويغفر
ويرضى ربنا ويعرف ان الدنيا مش مستاهله
- ما هو تقييمك لنفسك , هل قلبك طيب او نواياك احيانا تكون احتيالية ؟
أنا آخر حد ممكن أقيمه أو أعرف صفاته هو نفسى
مش ممكن أعرف ايه هى مزايايا وعيوبى
مش عارفه ليه
- هل أنت راضي عن نفسك ؟
الى حد ما
بس مش أوى
دايما ببقى عاوزه أكون أحسن
ودايما بحس انى موصلتش للدرجه اللى أنا عاوزاها
الدرجه اللى آجى عندها وأقول كده خلاص أنا تمام
- ما الذي يلفت انتباهك بسرعة في الشخص لكي تعجب به؟
بيلفت انتباهى جدا الشخص الواثق من نفسه
ودى أهم صفه لازم ان شاء الله تكون موجوده فى شريك حياتى
واللى معندوش الصفه دى مش ممكن أعجب بيه أبدا
|