كل إنسان ليه حكايه عايشها!!!
أغنيه راب جبتلكم كلماتها
اتفضلوا شوفوا
(كريم نجيب)
(كل إنسان)
كل إنسان
تعيس أو فرحان
أكيد في حكايه وهو بطلها
ف كل مدينه وكل عنوان
في 100 حكايه بتبتدي وتخلص
النهارده راجعلكم بقصه جديده
إنسانه جميله وعاديه وعنيده
عندها أخوات بس من جواها وحيده
عندها أحلام بس شايفاها بعيده
أول واحده صاحبتها كات هي عجلتها
بترسملها طريقها وبتفرغ فيها طاقتها
وبتتكلم معاها وبتسليها ف وحدتها
هي الشئ الوحيد اللي إداها حريتها
وفاتت سنين كتيره
وبقت الطفله بنت كبيره
وراحت العجله والضفيره
وحلم حياتها تكون أميره
بتدور عالسعاده
وعايشه علشان صحابها
ولما سابها في يوم حبيبها
قالت الدنيا دي نفسي أسيبها
كل إنسان
تعيس أو فرحان
أكيد في حكايه وهو بطلها
ف كل مدينه وكل عنوان
في 100 حكايه بتبتدي وتخلص
من كتر ما شفت قعدت وألفت
وعمري ما حرفت في كلمه وزيفت
أحلامي كات كبيره كنت دايس دايما شيفت
وأخدت وقت طويل وتعبت لما عرفت
إني بتكلم أكتر ما أسمع معرفتش أحسب وأجمع
والدنيا كتير بتخدع م الصعب إنك تجمع
قالولي مش هنسمع قالولي مش هينفع
طريقك آخره فاضي ومسيرك يوم هترجع
دي حكايتي وهحكيها ومفيش حد هيحكيهالي
عشت سنين ساكت ف حالي
حلمي كان تحقيق آمالي
وطموحي كان سابقني
كلام الناس كان بيخنقني
محدش ليه عمره صدقني
محدش ليه عمره صدقني
كل إنسان
تعيس أو فرحان
أكيد في حكايه وهو بطلها
ف كل مدينه وكل عنوان
في 100 حكايه بتبتدي وتخلص
|