ليه بس كده يا أميره
ليه تقلبي علينا المواجع وتفكرينا
والله أنا عن نفسي كان نفسي الدراسه متبدأش خالص وتتلغي السنه دى كلها
أنا عن نفسي يعنى مش فارقه أوى معايا في حكاية النوم دى
هفضل بردو انام متأخر عادى
بس مش متأخر أوى زى كل يوم هحاول انام بدري شويه
عشان انا بكمره هصحى الساعه 11 وننزل انا ومانوللى وواحده صاحبتنا كمان نروح الجامعه على 12 كده
بكره هنسأل بس مش هنحضر محاضرات
ونشوف بقى ايه الظروف
كنت سامعه ان انتساب مش هيبقى ليهم محاضرات والدراسه هتبقى عن طريق التليفزيون والنت
وانتظام هتتقسم مجموعات وكل مجموعه تحضر يومين او 3 فى الاسبوع
يعنى هنروح بكره بقى ونشوف
منهم لله مكانوش قادرين يلغوها خالص السنه دى
قال يعنى بقى لو اتلغت المراكب السايره هتقف
هو كده كده اصلا مفيش تعليم في مصر
ياللا انتى كمان يا اميره احكيلنا وقوليلنا الدراسه معاكى هتبقى ازاى
|