الموضوع
:
صينية الجلاش بالفراخ..تحفة
عرض مشاركة واحدة
#
1
2009-11-27, 10:37 PM
admin
TO BE OR NOT TO BE
تاريخ التسجيل: Feb 2008
الدولة: عايش على النت
المشاركات: 31,162
صينية الجلاش بالفراخ..تحفة
صينية الجلاش بالفراخ..تحفة
السلام عليكم
انهاردة في وصفة انما إيييييييييييييييييييييه
مية مية
عارفين طبعا الجلاش
أكيد يعني...هنعمل انهاردة بأة صينية جلاش بس مختلفة شويتين تلاتة عن العادي
و هتدعولي جدا جدا إن شاء الله
نقول المقادير
علبة جلاش أي نوع
لو المقاس متوسط..تكفينا نص فرخة مسلوقة و مقطعة نسايل او قطع صغيرة
علبة كريمة خضار حجم متوسط
بصلة مقطعة قطع صغيرة
عدد 2 جزرة مبشورة
عدد 2 فلفل اخضر رومي
..مفيش أخضر
..هاتي أصفر..
مفيش أصفر
..هاتي أحمر..مش هنخسر بعض علشان الفلفل يا جماعة.
نيجي بأة للطريقة
..
أهم ما في الموضوع ازاي بنعمل الحشوة اللي تجنن دي..
بنجيب معلقتين تلاتة زيت و نحطهم على النار و نضيف البصل المقطع..و بعد ما اللون يبدا يغمق شوية. نحط الجزر و بعده الفلفل و بعد دقايق ، بنحط الفراخ المسلوقة المقطعة قطع صغيرة أو ( نسايل ). و أخيرا بنضيف الكريمة السايلة و تكون النار هادية جدا و بنسيبها دقايق مش كتير. مع ملح و فلفل بسيط.
و برة بنحضر الصينية متوسطة الحجم. و نحط الجلاش راقات زي ما احنا متعودين ..بس طبعا في الاول لازم تكون الطبقة سميكة, و نحط الخلطة دي على تلات مرات مثلا ما بين كل طبقة و التانية.
و بنشربها من فوق بشوية شوربة مش كتير علشان متعجنش
مقولوكوش على طعم الخلطة دي بيبقى عامل ازاي
بألف مليون هنا و شفا
و اللي يعملها يبعتلي ادوق
في امان الله
__________________
admin
مشاهدة ملفه الشخصي
زيارة موقع admin المفضل
البحث عن المشاركات التي كتبها admin