|
اضحك من قلبك تعالوا نفك عن نفسنا ونفرفش |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
شاب عايز يشحن موبايله
واحد صاحبنا ربنا كرمه زى ما كرم كل شباب اليومين دول وأشترى تليفون محمول يتشخرم بيه طبعآ ..
وكعادة كل شهر أتزنق فى قرشين ( قرشين يعنى فلوس بالمصري ومساري باللبنانى وبرادس بالصعيدي ههههههههه ) صاحبنا إتزنق في قرشين وعايز يشحن رصيد التليفون بتاعه .. أبوه حالف على امه بالطلاق إنه ما هايديلوه مليم أحمر واحد يشحن بيه ولا حتى يحوله رصيد بخمسة وسبعين قرش يرن بيهم لأنه كل شهر يشحن وعلى حساب أبوه كمان ويضيع رصيده على الـ ........... ههههههههه وطبعآ أنتوا عارفين الشباب بيخلصوا رصيدهم على مين .. هما فيه غيرهم اللى مخلصين على فلوسهم قبل الجواز ومخلصين عليهم وعلي صحتهم بعد الجواز !! هههههههههههه . وأم صاحبنا ما بيدها حيله هاتديله يشحن من مصروف البيت يعنى ؟! لأ طبعآ .. يولع التليفون وصاحب التليفون كمان!!!! صاحبنا مالقاش قدامه غير ( ستو) { جدته يعنى } قرر يعمل عمليه إنتحاريه ويكلمها.. شرب شريط برشام مهدئ للأعصاب وإتشاهد علي روحه وراااااااااااااااااااااااااااااااااااااااح لأ لأ لأ مش مات راح عشان يكلم ستو.. وكان هذا الحوار هو : إزيك يا ستى . هى : بنتى .. إيه بنتى دى يا قليل الأدب . هو : يا ستى بقولك إززززززززززيك يا ستتتتتتتتتتتتى . هى : أنت بتزعق ليه يا واد أنت أنا بافتكر بتقول بنتى . هو : بتفتكرى إيه !! هو أنتى يا ستي حتى بتفتكرى إسمك . هى : جسمك .. ماله جسمى يا قليل الأدب . هو : يا ستى إرحمينا شويه بقي وشيلى الزلط اللى فى ودانك . هى : قدامك !؟ هو إيه اللى قدامى يا واد أنت . هو : يووووووووووووه يادى النيله . هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى . هو : يا حول الله يا رب هو حد جاب سيرة البليله يا ناس . هى : القلقاس !؟ أه بأحب القلقاس أهو كله نعمة ربنا . هو : يا ستى ابوس ايديكي أرحميني أنا لا جيبت سيرة قلقاس ولا أناناس . هى : لأ لأ لأ عيب يا بنى ..عيب لما تجيب فى سيرة الناس . هو : يا ستى هو أنا جيبت في سيرة حد . هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد . هو : لا يا ستى النهارده الخميس . هى : البوليس!! وعايز منك أيه البوليس إنت عملت إيه يا منيل على عينك؟ هو : يييييه بقولك إيه يا ستى نفضى ودانك وطرطقيهم كده وإسمعينى . هى : رضعينى !! أرضعك إيه ياواد أما إنك قليل الأدب صحيح . هو : يا ستى أنا إتفطمت من زمان الحمد لله بس عايز منك قرشين كده سلف . هى : علف !! إنت بتربى بهايم يا واد ؟؟ هو : يا ستى بقولك سلف !! سلفينى خمسين جنيه عايز أشحن التليفون . هى : كومبيليزون !! كومبيليزون إيه يا للى مش متربى . هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن . هى : أشتم !! وكمان عايز تشتم يا قليل الأدب . هو : بقى كده يا ستى طب ماشى خدي عندك بقا !! بقولك إيه يا ستى . هى : وظيفتى .. وظيفة إيه يا بنى أنا طالعه علي المعاش من زمان . هو : رمان إنتى عايزه يا ستى تاكلى رمان . هى : أه نفسي في السمان .. هو فيه سمان دلوقتى يا بنى من بعد أنفلونزا الطيور . هو : أه العبور !! أه ده كان سنة تلاته وسبعين . هى : سامعين ؟؟ سامعين إيه خير الله إما إجعله خير هو فيه حاجه . هو : بتقولي ايه يا ستى ..عايزة قهوة سادة . هى : عياده ..عايز تودينى العيادة ليه يا بنى هو أنا عيانه . هو : صقعانه .. صقعانه ليه بس يا ستى دا حتى الجو النهاردة حر . هى : كفالله الشر !! شر إيه يا بنى اللى بتقول عليه ده . هو : بقولك إحنا على البرررررررر . هى : أه يابنى منا عارفه الخروف ليه فرو .. وبيبقي كمان تخين . هو : أه إبنك حسين !!..ماله إبنك حسين . هى : العجل سمين !! أه هانجيب إن شاء الله في العيد عجل ندبحه ولازم يكون سمين . هو : إيه يا ستي بتقولي ايه .. أسفين .. طب أسفين ليه !! هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه . هو : ياااااااااااااااااااااااه أخيرآ يا ستى الحمد لله .. هاتى بقى . هى : أجيب إيه ؟ هو : هاتى الخمسين جنيه !! هى : تحسين بيه .. تحسين بيه مين يا واد . هو : يالاهووووووووووووووووووووووووى . ************************** المأسوف علي شبابه دلوقتى في مستشفى المتاهة للأمراض النفسيه والعصبيه والعقلية كمان غرفه رقم 11 بالدور الثالث تليفون محمول رقم ( عفوآ هذا الرقم غير موجود بالخدمه برجاء التأكد من الرقم المطلوب ) تيت تيت تيت تيت منقووووول
__________________
افضل 15 مشارك |
#2
|
||||
|
||||
ههههههههههههههههه
يا نهار استهبال ده انا لو مكانه كنت انتحرت او مت بالسكته القلبيه ههههههههههههههههه جامد جدا الموضوع تسلم ايدك يا احمد |
#3
|
||||
|
||||
وماله التليفون لما ميكونش فيه رصيد
انا هاقلبه عدة استقبال بس واحطه كده قدامى احسن من ده كله
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء |
#4
|
||||
|
||||
ههههههههههه
وتكلم الدنياره ازاى بس يا روميو هههههههههههه مصطلح جديد لسه جايبه من بق المصطلحاتى طازة ولا الدنيارة اللى بتكلمك؟؟
__________________
افضل 15 مشارك |
#5
|
||||
|
||||
اقتباس:
طب مش تاخد بالك من كلامك يا أحمد
أنت كده بترمينى بالسوء
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء |
#6
|
||||
|
||||
بترمينى بالسوء؟؟؟
لا تعقيم |
#7
|
||||
|
||||
اقتباس:
عيب عليك يا روميو انشالله الكيبورد تبوظ ولا أكتب عنك أى سوء بس أنا بتكلم عامة عن الراجل اللى معانا ده ومقصدش أى سوء
__________________
افضل 15 مشارك |
#9
|
||||
|
||||
ههههههههههههههههه
ماشى يا احمد |
#10
|
||||
|
||||
يلا أى خدمة
خدى بالك المرة الجايه
__________________
افضل 15 مشارك |
مواقع النشر (المفضلة) |
الكلمات الدلالية (Tags) |
موبايله, يشحن, عايز |
أدوات الموضوع | إبحث في الموضوع |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
عايش حياته | admin | منتدي الفنون الادبيه | 0 | 2009-11-15 07:32 PM |
عايش بـ قلب مجروح | البرنس الوحدانى | الابداعات الفنيه للاعضاء | 5 | 2009-09-15 01:44 PM |
لو عايز تسمع إسمع لو مش عايز متسمعشي!! | karmen | المنتدى العام | 8 | 2009-09-13 03:04 AM |
عايز ترفع ضغط اى بنت | prince of alex | سلة المحذوفات | 2 | 2009-02-24 06:57 PM |