الموضوع اللي بتكلم فيه عنوانه كفايه

[karmen]

دي أغنيه راب عنوانها كفايه
أغنيه تحفه جدا وبنتناقش قضايا هايله
قلت أجيبلكم كلماتها

(مودى راب)
(كفايه)









آه هقول هقول
ساكت بقالي كتير لكن هتكلم علطول





الموضوع اللي بتكلم فيه عنوانه كفايه
كفايه إعلام سخيف كفايه قلة ربايه





إرحمونا م الأمركه والإيقاع الغربي الباهت
إرحمونا م التشوه اللي جوه عقولنا ثابت





حظاظات دباديب الفالانتاين لوجوهات
بلايد بوي عمالين نبرطم باللغات




هتقولوا عليّه رجعي وهتكتر الظنون
بس اما تكلمني الأول إبقى إرفع البنطلون




مش طايلين شرقيتنا مش طايلين غربيتهم
بنقلدهم في الغباء منغير حتى ما يعلوا صوتهم




مش لازم تعتبر دي أغنيه إعتبرها إنفجار
التطور الطبيعي مش لازم يكون دمار






البرامج الخنيقه والأغاني والأفلام
فين الهويه العربيه فين الإنسجام





كفايه أي حد يتكلم في أي حاجه
كفايه مبهورين بيهم عقولنا في التلاجه
كفايه لسه عايشين في عقدة الخواجه
كفايه ما كفايه كفايه ما كفايه






لما يسرقوا تاريخنا كله يرمولنا القباحه
إنت صفر عالشمال واجه نفسك بصراحه





بيشتمونا في كل حته ولسه بنتمسّح فيهم
بيهينوا الإسلام قدام العالم وبنتّجه ليهم





يا مثقفين كفايه الأفكار الإلحاديه
سلختونا من جلدنا بالدعوه الإنفتاحيه





رمضان بقى شهر الإنحلال والتسيب
بدل ما نقرب من ربنا الشعب مُغيّب





كفايه وساخه في النقاش والشوارع أوسخ
لما تكلم أي شاب هتلاقي الفكر المُستنسخ





الرقاصات دلوقت بيتكلموا في الإسلام
والمفروض إننا نسمع ونطرطق الودان





يا جدعان إخبطوا دماغكوا في الحيط علشان تفوقوا
ودوقوا من كاس العبوديه المهم تروقوا





إنتهت كل اسلحتنا معدش غير اللسان
إنتهت صورة الفارس العربي اللي راكب حصان









كفايه أي حد يتكلم في أي حاجه
كفايه مبهورين بيهم عقولنا في التلاجه
كفايه لسه عايشين في عقدة الخواجه
كفايه ما كفايه كفايه ما كفايه







بنقطع بعض في كل حته وإسمنا عرب
الأغرب مبنتكلمش لما بيتنا إتخرب






عمالين نحارب بعض في كل منتدى عالنت
مبنفوتش فرصه نقول لبعض خلاص إنت إتثبِّت







فنانين كتير بيحاولوا يعملوا حاجه في بلدنا
بتقلّ العواطف في نفس الوقت بيزيد عددنا





طب أومال لو ماكُناش أمه هدفها واحد
سنين البطوله راحت ريحة الفساد فاحت






كسلانين في كل حاجه ولو كانت حاجه بسيطه
اللي يفكر يعمل حاجه نبُصله بصه عبيطه







كفايه مطربات جايين من شبكات الدعاره
مفروضين علينا مطربات ونوع من الحضاره







دلوقتي أي حد بيتكلم في أي حاجه
تقعد قدام التليفزيون أعصابك في التلاجه






خليك في حالك كده دايما زي ما إتعودت
السلبيه جزء من كيانك مش إيجابي وإتحولت






كفايه أي حد يتكلم في أي حاجه
كفايه مبهورين بيهم عقولنا في التلاجه
كفايه لسه عايشين في عقدة الخواجه
كفايه ما كفايه كفايه ما كفايه







أنا هنصر الفن الهادف وأحارب الإباحيه
هفرض إن الفساد بقى منتهي الصلاحيه






أنا هلبس جلابيه أتكلم بالفصحى العربيه
هسمع النقشبندى هتمسك بالهويّه







أنا هعرف التراث العربي هعرف التاريخ
هضطر أثبت وجودي لو هغني في المريخ








أنا هغني وأقدم فن كويس هادف ليكوا
أغانيكوا اللي إنتوا بتسمعوها دي مش هتنسيكوا







أنا بكره أمريكا وإسرائيل واللي يكرهونا
واللي عاوزين لينا شر نفسهم يدمرونا







هفضل أقرا القرآن وأقرا في السيره النبويه
هفضل أستنى رمضان بالطقوس الإسلاميه







مش ممكن تكون لسه مش حاسس باللي أنا بقولوا
أنا مش طالب منك إنقلاب يا ناس إشرحولو







إغرقوا لواحدكوا أنا مش هغرق هتمسك بتاريخي
كل ما تعلّوا صوتكوا هعلّي صوتي وصريخي






كفايه أي حد يتكلم في أي حاجه
كفايه مبهورين بيهم عقولنا في التلاجه
كفايه لسه عايشين في عقدة الخواجه
كفايه ما كفايه كفايه ما كفايه