بصوا يا جماعه
أنا بحب جدا برنامج لعبة الحياه اللى كان بييجي في رمضان ولسه بييجي لحد دلوقتى ومتابعاه اوى
فقاعده كده بفكر مع نفسي واقول
ياه لو ينفع نلعبه مع بعض في المنتدى
المهم قعدت افكر وقلت لازم يكون فيه شوية تغييرات
بصوا
انا هختار المتسابقين ماشي
وكل مره هختار واحد منهم يلعب لعبة الحياه
طبعا فى البرنامج الكومبيوتر بيختار عشوائيا انا هنا بقى اللى هختار
وبقية المتسابقين كل واحد فيهم هبعتله رساله خاصه فيها رقم المبلغ بتاعه اللى موجود فى علبته اللى المفروض يفتحها
عشان اللى بيلعب معانا ميقولش ما يمكن هى اللى بتقول ارقام بمزاجها
واللى هيقعد معانا هيبتدى يختار بقى
يقول مثلا اختار فلان
يقوم فلان يدخل ويكتب الرقم اللى انا بعتهولو فى الرساله
ولو حد اتأخر انا هبقى اقول هو معاه كام في علبته
بس طبعا مش هيبقى فيه عروض بنك وكده عشان اللعبه متتطولش وتعوم مننا
واللى بيلعب لعبة الحياه مش هيكون معاه صندوق او رقم زى البرنامج
لا فيه تعديل
هتكون آخر علبه بيختارها يعنى اخر عضو هيقول اسمو
المبلغ اللى معاه يبقى هو ده اللى هيكسبه
بصوا اللى متابعين برنامج لعبة الحياه او اتفرجوا عليه هيفهمونى
ويفهموا قصدى ايه
لكن اللى مشافهوش معرفش بقى هيفهمنى واللا لا
عالعموم تابعوا معايا اللعبه وانتوا تفهموا
ياريت اكون قدرت اوضحلكم
والله من زمان وانا نفسي نلعبها بس كنت بحاول أعدلها
ياللا نبدأ
تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 700 * 556.
