خبر عاجل سوف يتم بناء جدار مبني من خرسانه(جدار العار)

[karmen]

سمعت أغنيه راب مُعبره جداً إسمها (جدار العار)
بصراحه لاقيتها تستحق إني أجيبلكم كلماتها
أهو منها تشوفه الأغنيه
ومنها نتناقش عن الموضوع ده
بتتكلم عن أحداث الجدار العازل

(مودي راب)
وft
وvolt

مقدمه:

آه يا أمه جاحده يا أمه ناكره
يا أمه ذليله يا أمه واهنه
يا أمه تلفانه يا أمه عدمانه
:: يا أمه أونطه ::
يا أمه كل اللي شاغلك النهارده مسلسل هشام وسوزان
بعد مسلسل تامر وشوقيه
يا أمه كانت أمة محمد ..... بقينا أمة مهند

((الأغنيه)):

((فولت الفلسطيني)):
خبر عاجل سوف يتم بناء جدار مبني من خرسانه
من قِبَل مصر إهداء لشهداء غزه العزه والكرامه

فكره إسرائيليه تنفيذ مصري موافقه أمريكيه
بالنهايه ياعرب غزه الأبيّه هي الضحيه

حدودنا مسكّرَه من فوق من تحت الأرض
أسوار من كل مكان وصار السجن علينا فرض

بدنا نعيش بندور على لُقمة عيش
حَكَمتوا الموت على غزه وحكيتولنا غير هيك مفيش

الحُكم على حدود بلادي من شلة سياسه خونه
حُكام مش متحكمين مانشوف منكم واحد زلمه

الفلسطيني إنبح صوتو إخوانكم عم بيموتو
حفرتو قبر الفلسطيني وعمَلتو تابوتو

شربتو من دم الشهيد اللي راح هدر
كلامي مش للشعب كلامي لحكومة مصر

أرفع إيدي إعتراض على القوانين الدوليه
بحط زِمة كل شهيد برقبة الحكومه المصريه

((مودي راب مصري)):

أنا مش هتكلم عنك يا فلسطيني إنت عارف اللي فيها
عارف إننا شعب واحد مصير أمه مش في إيديها

كل مواطن مصري نص روحه بتنصر القضيه
ماليش دعوه بالحكومه خلاص دي طوبتها مرميه

إحنا جزء من الضحايا بنطحن تحت الرحايا
كتير مننا شافو المر الذل م البدايه

إستغمايه شغاله ما بين الحكومه و الشعب
كل يوم قرار جديد ممارسة أساليب الرعب

أنا مع غزه و غيري كتير مصريين لكن فاهمين
فلسطين ومصر أرض واحده من سنين

حاسس بكل حرف إنت بتقوله و عندك حق
الشعوب عارفه إن حكوماتها مبتقولش لأ

وأنا ذنبي إيه مانا آخري مواطن عايش في أسر الحكومه
زي كل مواطن عربي من الشعوب المظلومه

من إمتي كنت أنا مُتحكم أو حتى صاحب قرار

ده أنا بتهان في كل حته و كله بيشيلني العار

((فولت الفلسطيني)):

جدار بينعمل فوق الميت متر
إبنوعد إنو تحت الأرض مليون متر راح ينحفر

بنعاني يا ناس وحياة ربي بنعاني
بوجه ندائي لمصر وأتمنى تكون سمعاني

وأنا بعرف إنو الشعب المصري واقف معانا
بس حكومة مصر بِتصِرّ إنو نعيش بمهانه

غزه بتموت بيعم السكوت
أنا فلسطيني صِرت مش عارف لبلادي أفوت

الجدار الحاصل الفاصل فاصل بينا وبين كل شي
صرنا لمرحلة إنو كل شي ضدنا بمشي

كلبشات على إيدينا مهما حكينا
صوتنا مش مسموع وما في شي بإيدينا

من جدار رفح لجدار الضفه الغربيه
هاي فلسطين بعد قرارات إسرائيليه مصريه

((مودي راب مصري)):

ياما قلت وعدت وزدت كلام كتير عن المصير
اللي إحنا فيه...صعب نغير لو غرقنا في التفكير

الواقعيه ..تفرض عليا أكلمك مباشر
أنا مقهور من حكومتي و عالهامش في الصف العاشر

أنا مصري و بـ علو صوتي بقولهالكو يا حكومة العار
مصر..متبريه من أمثالكو يا بتوع الجدار

أهو ده اللي صار
ياما غنى سيد درويش عن الفساد
بعد مرور 90 سنه الفساد للضعف زاد

إنتقاداتي مش هتودي و لا تجيب لكن بوضح
إني ضد كل ده ضد الجدار المصفح

ضد كل حاجه تخللي إسرائيل تبقى مبسوطه
ضد كل حواجز بين المسلمين لسه محطوطه

ده كلام!..حكم الاعدام !..إيه علاقته بالإسلام؟!
و يقولك تأمين حدود وكلام فارغ كلها أفلام

ليكي ربنا يا فلسطين لابسين جلابية العيب
بعد ما كُنّا الجار الحامي بقيت خلاص عنك غريب