[قصه] من قصص الفاشلين (( قصة طريفة ))

[admin]

من قصص الفاشلين (( قصة طريفة ))

ضرب البلطجي باب المقهى برجله ، فوقف جميع رواد المقهى - خوفاً من البلطجي - إلا شاب كان يجلس وهو شارد الذهن ينظر إلى كوب الشاي الذي أمامه ..
فاتجه إليه البلطجي ، وأخذ كوب الشاي من أمام الشاب وشربه مرة واحدة ، ثم ألقى الكوب فارغاً ، وقال للشاب : أدفع أنت بقة ثمن الشاي ..
بكى الشاب بكاءاً مريراً ، فقال له البلطجي : بتعيط عشان خمسين قرش وعامل لي راجل ؟؟!!
الشاب : أنا بعيط عشان ماليش بخت في الدنيا دي ، كل ما أروح شغلانة أفشل فيها ويطردني صاحب الشغل ..
اشتغلت قهوجي ، وقعت الشاي والطلبات على الزباين ..
اشتغلت مكوجي ، حرقت هدوم الزباين ..
اشتغلت محاسب في شركة ، طلعت شركة نصب ، والبوليس قفلها ..
سافرت السعودية طلع العقد مضروب ، ورجعت ترحيل ..
رحت العراق ، حصل الغزو وراحت فلوسي ، ورجعت مشي ..
بصراحة أنا إنسان فاشل في كل حاجة أعملها ..


البلطجي : ياه دا أنت فاشل خالص ..
الشاب : أمال لو عرفت اللي حصل الشهر اللي فات ؟!!
كنت رايح شغلانة جديدة ، فصحيت الصبح متأخر ، فنزلت بسرعة ، وركبت عربية جارنا اللي حاطتها قدام البيت ، ورحت الشغل برده متأخر ، فطردني صاحب الشغل لاستهتاري بمواعيد العمل ، فخرجت من الشركة فاكتشفت إن حرامي سرق العربية ..
فاتهمني جارنا بسرقة العربية ، وقبضوا عليا ، وإتسجنت 6 شهور ، لسه خارج النهاردة ..
حتى الانتحار فشلت فيه ..
البلطجي : أزاي ؟!!
الشاب : رحت للبقال واشتريت منه أقوى سم قاتل ، وجيت القهوة وحطيت السم في الشاي ، عشان أشربه أموت واخلص من حياتي ، فجيت أنت وشربت الشاي بتاعي اللي فيه السم ..
" ههههههه المنحوس منحوس ههههههه "