|
اضحك من قلبك تعالوا نفك عن نفسنا ونفرفش |
|
أدوات الموضوع | إبحث في الموضوع | انواع عرض الموضوع |
|
#1
|
||||
|
||||
بدر عايز يكلم سالي ........قصة مأساوية
المشهد الاول
(يظهر بدر فى حجرته ويتحدث فى الهاتف) بدر :قوليلى يا سالى اجيب بلاط شقتنا موزايكو ولا سيراميك ؟ سالى :المزايكو اوفر ...واهو كله بينداس عليه. بدر بصوت عالى )لا ما يهمكيش الفلوس ...دا انا فييس حقيقى والى ف جيبى ف ايدى . الاب من الخارج )فاتورة التليفون خمسمية جنيه يابغل . بدر يغلق السكة بسرعة )مش انا الى طالب . المشهد التانى بدر (يضع كارت اتصالات فى كابينة عمومية فتظهر التعليمات )باقى من رصيدك اربعة قروش تكفى لثلاث كلمات وحرف جر . بدر يطلب رقما )سالى انا بكلمك من.....(ينقطع الاتصال) انتهى رصيدك ...من فضلك اسحب الكارت وقطعه اربع تربع ...او ابتعد قليلا ،فسوف تنفجر الكابينة اوتوماتيكيا... المشهد التالت (يظهر بدر امام محل سنترال مغلق بعد منتصف الليل ) بدر (يتلفت يمينا ويسارا ثم يخرج من جيبه عدة مفاتيح محاولا اختراق القفل ) بدر (يشعر بيد تربت على كتفه فيظهر طفل صغير يمسك كرة قدم ) بدر :اى الى مصحيك يا حبيبى ؟ الطفل :عامنفخ الكوغة . بدر : انت بقك مقلوب ولا الدغ ف كل الحروف؟ الطفل :عايز امفخ الكووووووغة . بدر : غور ياد من هنا ،بدل ما اخبطك اخليك تتكلم بالتشكيل . المشهد الرابع (يخترق بدر القفل ويدخل السنترال ،بدر يطلب رقم سالى ) بدر :ايوة يا سالى مكملناش كلمنا ...عايزة السخان غاز ولا كهربة ؟ (يفاجا برجل يفتح الدكان ويدخل عليه) الرجل :عايز اكلم اختى زينب من سوريا ...ابنها بلع تى شيرت. بدر :ابن خالتى برده بلع جنيه فضة بس نزل 95 قرش. الرجل :كده يبقى فاضل شلن. بدر:ماكنش فيه فكة نزل بداله مشط كبريت . المشهد الخامس (يظهر بدر وهو يتحدث مع سالى وتظهر الكبائن كلها مشغولة بالزبائن) كابينة 1يظهر رجل ) ايوة يا زينب ياختى ايش لونك؟ كابينة 2يظهر صومالى وهو يضحك) كابينة 3تظهر امرأة )هترجع امتى من السعودية يا ابو ايمن ،بقالك سبع سنين بتعمل عمرة . المشهد السادس (فى قسم البوليس ،يظهر بدر امام الضابط) بدرللضابط:حضرتك القانون بيدينى حق بمكالمة ........... ممكن اكلم سالى ؟
__________________
افضل 15 مشارك |
#2
|
||||
|
||||
ههههههههههههه
شوفت سالى ياعم واللى بتعمله ودى اخرة اللى يمشى ورا سالى ربنا يحيمنا من سالى وشرها فنان يا رضوان
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء |
#3
|
||||
|
||||
هههههههه
شكلك مفقوع قوى من سالى يا روميو ربنا يحفظنا لحد من نلاقى سالى فى الحلال ان شاء الله شكرا لمرورك
__________________
افضل 15 مشارك |
#4
|
||||
|
||||
ده بكره بدر لما يتجوز سالي هيبقى دلدول صدقوني
هههههههههههههههههههه
__________________
افضل 15 مشارك |
#5
|
||||
|
||||
مش هيلحق يا عمرو
أحسن هو لما خرج من الحجز راح سرق شبكة المحمول علشان يركبها فوق السطح عندهم واتمسك واتسجن تانى
__________________
افضل 15 مشارك |
#6
|
||||
|
||||
يا سلام عليكى يا سالى
أيوه كده آدى البنات واللا بلاش لازم بدر يحفا ويتسجن عشان يقدر قيمتها عقبالكم كلكوا لما سالى تشحططكوا وراها كده موضوع جامد اوى يا رضوان ميرسى ليك |
#7
|
||||
|
||||
سالى مين يا بنتى اللى تعمل كده
بدر ده أساسا عايز يقضيها تليفونات هههههه هو ده الموضوع
__________________
افضل 15 مشارك |
#8
|
||||
|
||||
يا سلام بقى هو ده الموضوع
ده الواد لحد آخر نفس عاوز يكلم سالى تليفونات ايه بقى يا ابو تليفونات انت |
#9
|
||||
|
||||
طب لو هو مش عايز يقضيها تليفونات كان قالها نتقابل ولا نعمل أى حاجة
وبعدين تذكرة الأورمان ب 50 قرش بس هههههههه ولا ايه
__________________
افضل 15 مشارك |
مواقع النشر (المفضلة) |
الكلمات الدلالية (Tags) |
........قصة, مأساوية, يكلم, صالح, عايز |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
لو عايز تسمع إسمع لو مش عايز متسمعشي!! | karmen | المنتدى العام | 8 | 2009-09-13 03:04 AM |