كام (آه) ممكن نقولها فى مصرنا الحبيبه ؟؟

[vindiesel]

ازيكم يا ماجيكاويه
عاملين ايه؟؟!!


انا حبيت على قد ما اقدر كده اننا نعد سوا كام كلمه (آه) ممكن نقولها فى مصرنا العزيزة الحبيبه
تعالوا نشوف

الاوله آه
احكيلكوا عن مصر اللى أنا وأنت وهو عارفينها.. قول خمسة مليون كده فاهمينها وعايشينها _إحنا_.. مستورين وحامدين وشاكرين وساكتين.. فاهمين «الفولة» مفيش فايدة حافظينها وبالعينها..


والثانية آه
على عشرة مليون تحتنا نفسهم فيها بس مش طايلينها.. يجروا طول الليل بعد العذاب بالنهار لحد ما يتعشوا.. ويتخمدوا بس برضه مش ملاحقينها


والتالته آه
على خمسة وخمسين مليون عليهم ودول بقى مدفونين فى كواحيلها.. يا عينى عليهم يا طايحين وجامحين يا نايمين فى شوارعها.. لا صحة ولا تعليم ولا مراية ولا سلاية ولا هدمة لابسينها..


والرابعة آه
سيبك بقى من البؤس والفقر وتعال نروح جناينها.. مارينا.. وهارينا.. وسارينا وجميع مشتقات (ينا هههههه) دايبين فى خيرها ومعجونين ومعجبين بسواحلها.. ما يجوش مليون واحد واكلينها وزالطينها (سورى هههههه).. باشوات وبهوات وعلى كل لون وهى والعة شاربينها.. وبيبصوا علينا من فوق ومن فوق الفوق وشايفينها.. وبيسألوا بعض مين دول؟.. قصدهم إحنا!.. قاعدين ليه مضايقينهم.. اطمنوا والله وما تقلقوش خالص.. يا إما حنموت كده! يا إما ماشيين مسافرين وسايبينها!


والخامسة آه
على أولادها إللى سافروا وهمه شايلين حبها وبيموتوا في ترابها رغم تعالى سفرائها وسفارتها وقناصلها


والسادسة آه
على فلاحينها لما إتهرت أكبادهم من البلهارسيا والسموم ومخلفات المصانع وفساد الضمائر وهمه إللى بدمهم وعرقهم راوينها وزارعينها


والسابعه آه
على جنودها البساط الصغيرين إللى هانوا على كبراتها لما بقوا ملطشة لكل من هب ودب وهما إللى حاميينها وحارسينها


والثامنة آه
على كل من نصب نفسه راعيها وحاميها وهمه عارفين مين إللى نهبها وسرقها وخصخصها وفتتها وبايعنها


والتاسعة آه
على أم الدنيا لما سرقوا بنوكها ونهبوا خيراتها وخصصوا أراضيها وسحاريها وشواطئها بين الصحبة والنخبة وسحبوا دمها من أوردتها وشراينها
والعاشره آه ...
على أرض النيل والدلتا بسواحلها وشواطئها بغازها وبترولها بقطنها ورزها بقمحها بتراثها بأثارها بأبنائها وبعقولها بمفكريها لما يكبلوها بمشاكلها وديونها
وآه
وآه
وآه
وأه
والف آه
على مهد الحضارة وأرض الفراعنه وقبلة العروبة لما تهون على بعضهم لما سمحوا بقصد أو دون قصد لغيرها بحجب شمسها ومنابرها وعن عرشها ومكانتها باعدينها

[Silver]

الاوله آه ... والتانية آه ... والتالتة آه

هنقول آه لحد امتى ؟!!

تفـــــــــائل

8->

[vindiesel]

Originally Posted by silver

الاوله آه ... والتانية آه ... والتالتة آه

هنقول آه لحد امتى ؟!!

تفـــــــــائل

8->

هنفضل نقول اه طول عمرنا لحد حاجه من الاتنين تحصل
ان الحال يتعدل وترجع مصر زى زمان
او اننا نموت ومنبقاش قادرين نقول اه تانى

[admin]

والتاسعة آه
على أم الدنيا لما سرقوا بنوكها ونهبوا خيراتها وخصصوا أراضيها وسحاريها وشواطئها بين الصحبة والنخبة وسحبوا دمها من أوردتها وشراينها
والعاشره آه ...
على أرض النيل والدلتا بسواحلها وشواطئها بغازها وبترولها بقطنها ورزها بقمحها بتراثها بأثارها بأبنائها وبعقولها بمفكريها لما يكبلوها بمشاكلها وديونها
وآه
وآه
وآه
وأه


اصل البلد دى خيرها لغيرها

[moroman]

اشكرك فى البداية على طرحك لهذا الموضوع الذى يمس كثير من الناس
هما طول عمرهم مش حاسين بالعالم الغلابة اللى مش لقية رغيف العيش وبيقولوا مصر فى ازدهار مصر فى ازدهار ازاى والناس مش لقية تاكل ازااااااااااااااااااااااا ااى حراااااااااااااااام عليكوا انتوا حتتحاسبوا امام الله دمرتوا الشباب بجهلكوا وتخلفكوا وتقولوا البلد هتطور بالشباب فين الشباب دة
حراااااااااااااااااام عليكوا انتوا مش حاسين بينا خاااااااااااااااااااااااا اااااااااااالص
حالات السرقة والاغتصاب والرشوة وكل حاجة مقززة فى مصر هما السبب فيها حرااااااااااااااااااااام عليكوا
شوفوا الدول العربية والعالمية بتقول علينا اية احنا بلد العشوائيات حراااااااااااااااام عليكوا
احنا الحضارة واحنا التاريخ واحنا المجد بس هما ما خلوش فيها حاجة خااااااااااالص خربوها ومشيوا
هما بيفكروا تحت رجليهم وخلوا 80مليون مصرى يفكروا كدة اطرح منهم كبار البلد اللى مش حاسين بحاجة خاااااااااااااااااااااااا ااالص علية العوض فى هذا الشعب طول ما الحكومة دة وراء هذا الشعب الغلبان

[el.sa7er]

شكرا للتوبيك

بس انا عاوز اقول حاجة
احنا ليه دايما بنشوف نص الكوباية الفاضى وبس
ليه مش بنبصى على نص الكوباية المليان عشان نشوف حاجات تانية جميلة اوى
انا شايف توقيع حضرتك فى فيلا جميلة اوى
طيب ياعم ما انت من الناس اللى عايشة اهو ومفيش اهات ولا حاجة
ما تخافش مش بحسدك دى ملحوظة بس
من وجهة نظرى المتواضعة
مصر فيها خير كتير اوى اوى
وكلنا عايشين فيه
ممكن اه بنواجه صعوبات كتير
بس برده عايشين وبنروح ونيجى وبنتعلم وناخد شهادات ونشتغل ونجوز ونكون عائلات
ما اظنش بعد كل ده يبقى مصر برده وحشة
لو فى حد وحش يبقى احنا مش هيا
هى ما عملتش اى ذنب
ادينا عايشين فيها فينا اللى عايش كويس وفينا اللى عايش عمال يسرق فيها واهى مستحملة ده وده وعمرها ما قسيت على حد

بيتهيقلى بلدنا جميلة اوى ولو حتى فيها اهات كتير ف خيرها برده كتير اوى اوى

وزى ما سيلفر قال
ياريت نتفائل

سورى لو طولت
وعلى فكرة مش بعدل على كلامك دى وجهة نظر

[vindiesel]

شكرا يا اسامه

شكرا يا مورومان

منورين الموضوع

[vindiesel]

Originally Posted by el.sa7er

انا شايف توقيع حضرتك فى فيلا جميلة اوى
طيب ياعم ما انت من الناس اللى عايشة اهو ومفيش اهات ولا حاجة
ما تخافش مش بحسدك دى ملحوظة بس

اولا ميرسى ليك على الرد والمشاركه

ثانيا انت كده مش بتحسد انت بتقرررررررررررررر

ثالثا مش كل الناس الاغنياء سعداء ومعندهمش مشاكل
صحيح انا الحمد لله معنديش مشاكل جامده بس كل واحد عنده مشاكله حتى لو صغيره بيبقى اسمها مشكله برضه ولا ايه؟؟!!

وجهه نظر

[el.sa7er]

ثانيا انت كده مش بتحسد انت بتقرررررررررررررر

هههههههههههههههههههههه
كويس انك فهمتها اصل بينى وبينك انا قاصد اقررررررررررررر
ههههههههههههههههههه
لا والله طبعا
ربنا يزيدك ياعم

وجهة نظر مش اكتر

[vindiesel]

Originally Posted by el.sa7er

هههههههههههههههههههههه
كويس انك فهمتها اصل بينى وبينك انا قاصد اقررررررررررررر
ههههههههههههههههههه
لا والله طبعا
ربنا يزيدك ياعم

وجهة نظر مش اكتر

انا قلت كده برضه على العموم انا مش هقول غير:-

الله اكبر الله اكبر

قل اعوذ برب الفلق

خمسه وخميسه فى عين اللى ميصليش على النبى

ربنا ما يجعلنا جار وله عينين

كان عندنا ورده مقفوله وفتحت

النهارده الخميس يوم خمسه فى شهر خمسه