|
|
#1
02-19-2010, 11:28 AM
|
|||
|
|||
موضوع يهم كل بنت
  الموضوع دة حقيقى يا جماعة ويهم كل البنات  خلينا نتفق الأول ان موضوع الجواز و العرسان و تأخر الجواز ده موضوع حساس جدا.. وصعب جدا انكوا تلاقوا حد بيتكلم فيه بصراحة..خصوصا بالنسبة للبنات.... لأن اللي بتتكلم فيه بصراحة يا إما بيتبصلها على إنها بنت مش كويسه ..يا إما على انها مسروعة ع الجواز . .يا إما على انها بارت و مش لاقيه حد يتجوزها..عشان كده تلاقوا بنات كتير بتقول .. جواز ايه بلا نيلة ..يعني هم اللي اتجوزوا كانوا خدوا ايه...انا قاعده في بيت أبويا معززة مكرمة ,ايه اللي يخليني أروح أتبهدل مع حد ماعرفوش..أنا ما بافكرش في الجواز دلوقتي لما أبني مستقبلي أتحدي ان أي واحدة فيهم مايكونش طموحها الأول انها تبقى زوجه وام . نتفق بقه على أسس تانية مهمة ....عدد البنات في مصر أكبر من عدد الرجاله دي نقطة أساسية مش عايزة أي حد يناقشني فيها ..و سيبوكوا بقه من إحصائيات الحكومة اللي بتقولك عدد الإتنين زي بعض ..لأن دي إحصائيات عاملة بالظبط زي درجات الحرارة اللي بيعلنوها في النشرة ..يعني الناس بتحلف بالطلاق ان الحرارة أكيد فوق ال 45 ..و هما لا يمكن يزودوها عن 38.. موضوع الستات اللي بيقعدوا يخلفوا عشان يجيبوا الولد..يعني فيه عائلات كتيرة تلاقيها كده..4 بنات وولد..5بنات وولد..6 بنات وولد ..و هكذا...و تفضل الست تخلف تخلف .ما علينا ده موضوع تاني..بس أي حد بيدرس أو درس في أي كلية في جامعات مصر هيلاحظ ان عدد البنات في أي كلية أكبر من عدد الولاد . نقطة تانية ..الرجالة بقوا حاسين بنفسهم و بيتكبروا على خلق الله من البنات ( يقعدلهم في عينهم و عافيتهم يا رب ) و تلقي الراجل قاعد هو و أمه يتشرطوا ...لازم تبقى بيضا و شعرها بني و عينيها عسلي و شبه نيللي كريم ..طب بص لنفسك يا خويا في المرايه الأول ..طب بلاش بيقولوا الراجل مايعيبوش الا جيبه ..طب ورينا كده و ادخل في ايدك انشالله علبة ملبس ..ألا لأ البعيد هو و امه يروحوا يشوفوا العروسة الغلبانه اللي أهلها صارفين عليها الشئ الفلاني و مكلفين قعدة التعارف دي شئ و شويات ..رايحين إيد ورا و إيد قدام ..و البت مافيهاش أي عيب و يقولولكم ..لأ أصلها مش شبه نيللي كريم قوي ..دي قالبه شوية على نجلاء فتحي و انا مابحبش النوع ده ..تقولش حسين فهمي رايح يتقدم لأ و الأفراح ..نككككتة..زمان كنتوا تشوفوا في الأفلام العربي أي بنت تدخل فرح و هي لابسه شيك كده شوية ..يتلموا عليها الشبان و يبقوا عايزين ياكلوها .. و ما تخرجش م الفرح إلا بعريس..دلوقتي نفس التجمعات بس بالعكس ...تلاقي كل أم قاعده هي و بناتها مراقبين الشباب و ياويله اللي يعدي جنبهم...طارق ..إزيك يا ولد ..مش تيجي تسلم على بنات خالتك شوف بقوا حلوين إزاي؟...أنا مش طارق يا طنط و أنا متهيألي كده حضرتك مش خالتي ...صحيح؟ معلش يا حبيبي العتب ع النظر طب ما تعرفنا على نفسك كده ..يمكن ربنا يحبك و يبقالك نصيب معانا طبعا الواد يا إما بيطلع يجري ..يا إما حد من صحابه بياخد باله م الكمين اللي وقع فيه ويجي ينقذه على أساس في حد عايزة و كده طبعا ده غير اللف اللي بيقعدوا البنات يلفوه حوالين العروسة عشان يبقوا واضحين لكل اللي في القاعة من كل الجهات ..و لما بيقف اللف تلاقيهم يزقوا في بعض أو يعملوا انهم بيعدلوا للعروسة فستانها أو طرحتها عشان يطلعوا في الفيديو..و يحاولوا يطلعوا في أكبر عدد ممكن من الصور ..يمكن يعجبوا حد و يتكل على الله و ينشلها من عالم الآنسات الكلام ده كله على فكرة مش المفروض تضحكوا عليه..و الله البنات دول غلابة ..زمان ما كانش مطلوب من أي بنت غير انها تحترم نفسها و تقعد في بيت أبوها و تستنا العدل اللي بيكون في الغالب من إختيار أهلها دلوقتي الكورة بقت في ملعب البنات طب البنات يعملوا ايه...ده غير العداد اللي بيعد من أول ماتتخرج من الجامعه ...يعني البنت تعتبر بدأت تعنس من أول ما يعدي عليها سنتين أو تلاتة متخرجه و لسه ماتخطبتش بصراحة المجتمع اللي احنا عايشين فيه و اللي بيقيم البنت بجوازتها واللي تتجوز بسرعة تبقة شاطرة واللي تتأخر يبقى فيها عيب ..و ع الجهة التانية الراجل من حقه ينقي و يتشرط و يبقى مقطع السمكة و ديلها و يتقال عليه مفتح و مدقدق..و يبقى معدي الأربعين و من حقه يتجوز في أي وقت انشالله واحده عندها 18 سنة و البنات غلابه و الضغط عليهم بيزيد كل يوم والناس بتحاكمهم على حاجه مالهمش يد فيها يلا مش عايز حد من البنات يطلع فوق السطح ويقول طلعت فوق السطح هز الهوا كمى كل البنات اتجوزت وانا قاعده جمب امي  ::: ::::: 
__________________
yoland If i die don`t cry ........ just look to the sky ....... and say good bay mero 3asola [SIGPIC][/SIGPIC] 
|
|
#2
02-19-2010, 12:39 PM
|
|||
|
|||
شكرا على الموضوع بس بجد بالنسبة لي الزواج صح يعني لازم الشخص يتزوج بس انا ماكثير افكر فيه يعني ممكن ثالث او ثاني شئ اتمنها بس اول شئ هو اني اكمل دراستي واكون بشهادتي لان الشهادة مثل الكرامة للبنت و شكرااااااااااااا جزيلا على موضوعك بارك الله فيك
__________________
ƹ̥͉Ƹ͍͎͈̐̑ѿ͍͎͈̐̑Ʒ̥͉ƺ๑ beautiful princess ƹ̥͉Ƹ͍͎͈̐̑ѿ͍͎͈̐̑Ʒ̥͉ƺ๑
|
|
#4
02-20-2010, 10:40 AM
|
|||
|
|||
|
ميرسي ياجماعه على مروركم وعايزه اشوف راى بنات الماجيكاويه التانيين فى الموضوع ده ومفيش مانع لو الشباب كمان يبدو برايهم
__________________
yoland If i die don`t cry ........ just look to the sky ....... and say good bay mero 3asola [SIGPIC][/SIGPIC]
|
|
#6
02-20-2010, 11:48 PM
|
|||
|
|||
|
Nice Work
Thnx 
__________________
[عذراً، الروابط تظهر فقط للأعضاء المسجلين. إضغط هنا للتسجيل]
|
|
#7
02-21-2010, 07:06 AM
|
|||
|
|||
|
طلعت فوق السطح هز الهوا كمى كل البنات اتجوزت وانا قاعده جمب امي
ههههههههههههههههههههه حلوه حلوه حلوه حلوه
__________________
من النهارده مفيش توقيع
الفيلا بتاعتنا هى التوقيع [عذراً، الروابط تظهر فقط للأعضاء المسجلين. إضغط هنا للتسجيل] [عذراً، الروابط تظهر فقط للأعضاء المسجلين. إضغط هنا للتسجيل]
|
|
#9
02-23-2010, 10:25 AM
|
|||
|
|||
|
يطلع فوق السطح ويقول طلعت فوق السطح هز الهوا كمى كل البنات اتجوزت وانا قاعده جمب امي
يافقرية ياهبه هههههههههههههههههههههههه بس موضوع جامد جدا وفعلا رائع ومهم بجد تسلم ايدك ياهوبا من اجمل ماقرأت ليكي فعلا
__________________
افضل 15 مشارك [عذراً، الروابط تظهر فقط للأعضاء المسجلين. إضغط هنا للتسجيل] [عذراً، الروابط تظهر فقط للأعضاء المسجلين. إضغط هنا للتسجيل] انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه بالي طويل وياه مش قادرة استني ثواني وعرفت سهر الليل وبقيت اسهراسمع ف اغاني من يومي مشغوله بيه ف نومي محلمش الا بيه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه :a (130)::a (130)::a (130)::a (130)::a (130)::a (130)::a (130)::a (130)::a (130)::a (130)::a (130)::a (130)::a (130)::a (130)::a (130): [عذراً، الروابط تظهر فقط للأعضاء المسجلين. إضغط هنا للتسجيل]
|
 |
| الكلمات الدلالية (Tags) |
| موضوع |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| موضوع هام الي كل من يحب | احساس برئ | المنتدى العام | 2 | 04-21-2010 05:14 AM |
| اول موضوع واحسن موضوع أحسن لعبة لعبتها في حياتي جوندال gondal | البلشة | منتدي العاب اونلاين | 4 | 11-02-2009 09:18 PM |
| موضوع المليون رد (يا ترى هنقدر نوصل؟؟!!) موضوع بتاع كله | karmen | سلة المحذوفات | 1 | 10-07-2009 06:36 AM |
| موضوع خاص | وليد نعيم | عالم ادم | 8 | 01-17-2009 07:35 AM |
| مسابقة احسن موضوع...كل اسبوع...يا ترى مين صاحب احسن موضوع؟؟؟ | THE KING | منتدى نور الإيمان | 0 | 08-10-2008 09:10 PM |
العرض العادي
