ممكن حل للموضوع دة؟

[Silver]

مشرفنا الغالى /

اللى منقدرش على زعله لانه غالى علينا

والله يا باشا الحكاية دى مش ليك لوحدك

دى مع كل الناس ... وبتحصل فى كل المنتديات

وكمان فى منتديات مشهورة وفى مقدمة المنتديات

وانا هوريك ان اللى بيحصل مش عندك لوحدك

بس أنا عايزك نحط شوية اعتبارات فى دماغك :

أننا لسه فى بداية المشوار ... ورحلة الالف ميل بتبدأ بخطوة

كمان نصيحة الناس الخبرة للمنتديات الجديدة هى " الصبر "
"فاتك على الصبر شوية"

وكمان يا باشا وده الأهم " ااسمع الحوار ده " :

كان فيه مناقشة بينى وبين الأدمن بتاعنا حول اهتمامه بقسم الرياضة

كان من رايى الاهتمام بعض الاقسام الاخرى !!!

ولكن هو قال لى :

1- المواضيع دى " الرياضة " بتجيب زوار كتير
وفعلاً تأكدت من ذلك من خلال مشاهدة الزوار
ولن تتخيل كم الزوار اللى بيشاهد مواضيع الرياضة " سبحان الله "
فكده ومن غير أنت بتحس بتساعد فى نشر المنتدى

2- المواضيع بتساعد فى رفع ترتيب المنتدى
والحمد لله كل يوم فى زيادة

3- أن الناس كلها مش زى بعضها " لولا إختلاف الأذواق لبارت السلع "
فمنا من يهتم بالرياضة واخر بالالعاب واخر بالبراامج .....وهكذا


وكمان الكلمة دى منى ليك :

انا بالنسبة ليا ... لو محدش رد أحسن بكتير من أن واحد يخش يرد رد " شكراً "
وتلاقيه لا قرىء الموضوع ولا عرف ايه اللى فيه
وأنا حقيقة دى من أكتر الردود اللى بتغظنى ، وأقول ياريته ما رد أحسن

فأنت ايه رأيك فى الكلام ده كله ؟

وطبعاً مشكور كل الشكر على اهتمامك بالمنتدى

ومتحرمناش من مواضيعك الجامدة

ولك منى أرق تحية

:36_7_12: