خليك شادد لحافك

[karmen]

الكلام ده بقى هنقوله للناس المنفضه
خليهم منفضين كده علطول ياللا خلى بلدنا تبقى أحسن
ياللا ناموا وشخروا
دى أغنيه على فكره

خليك شادد لحافك واتفضل بطنيه
حطها فوق كتافك واربطها بالكوفيه
وطى صوت الشريط
إسمعه جوه الحيط
خليك راجل حويط
جرى الأغنيه ديه
مالك انت بالرشاوى والوساطه والبلاوى
روح اتسلطن عالقهاوى
واتسلى بالحكاوى
أما بقى لو كنت ناوى تتكلم وبعلو صوت
فإتكلم فايبريشين أو طنش من سكوت
مالك انت بالفساد بطل نق عالولاد
لو مره وتدعى عليهم هيبيعوك واللا فى مزاد
طول ما الحاله كده مسطوره
خدلك جنب اطلع م الصوره
ولا تشغل بالك بيهم ده انت لحافك ده أسطوره
خليك شادد لحافك واتفضل بطنيه
حطها فوق كتافك واربطها بالكوفيه
وطى صوت الشريط
إسمعه جوه الحيط
خليك راجل حويط
جرى الأغنيه ديه
اعمل نفسك مش شايف لو حقك راح من ايديك
واعمل مرعوب وخايف من حق الظابط عليك
واضرب تعظيم سلام
للنسور وللحمام
للدجاجه وللكتكوت أو جوه التخشيبه نام
اتكلفت شد اللحاف
تغلى الأسعار اوعى تخاف
طفى النور ارمى الكشاف
مبروك جتلك لقمه حاف
اوعى تشغل دماغك فيها ايه لو تمشى حافى
راضى بهمك نصيبك وعايش على التصافى
خليك شادد لحافك واتفضل بطنيه
حطها فوق كتافك واربطها بالكوفيه
وطى صوت الشريط
إسمعه جوه الحيط
خليك راجل حويط
جرى الأغنيه ديه
نام نام خليك نايم
ايه باقى غير الدايم
فيها ايه لو نمت جعان
فاكر ان الحوت شبعان
لأ والله العظيم
ده الحوت ماشى عالرجيم
دايما وارمى فى السليم زى السلم والتعبان
طول ما انت شادد لحافك نايم
وانت مغطى كتافك فتح عبره للى شافك
مستحيل حد يخافك
حاول تعمل حاجه قبل العمر ما يعدى
واعرف ان الخوف سذاجه اتحدى وعيش التحدى