عندى سؤال بس بشررررررط؟؟؟؟؟؟؟؟؟

[manolly]

بصوا انا عايزة اسالكم سؤال بسيط بس بشرط !!
اللى تجاوب تتكلم بصراحة ومحدش طبعا هينتقض حد علشان الموضوع فى الاول والاخر وجهات نظر ومننساش الاختلاف فى الرائ لايفسد للود قضية اتفقنا ؟

ويلا نبداء الموضوع

ليه دايما نسمع البنت تقول انا عايزة اتجوز واحد فى وسامة رشدى اباظة وفى شجاعة احمد السقا وفى خفة دم كريم عبد العزيز وياخد بقى عنين احمد عز وشعر انور وجدى وطبعا صوت العندليب وشقاوة حسن يوسف وحواجب خالد سليم او حتى تامر حسنى شغال ميهمش ومناخير معرفش مين .. الخ
واللى اهم من كل ده يكون طبعا طول بعرض ! احم احم مع الاعتذار لهنيدى طبعا هههههههههه
واكيد يكون غنى ويجيبلى فيلا فى الساحل الشمالى وشاليه فى مراقية وشقة على النيل وعربية وشوية الماظ لزوم المنظرة وطبعا طلبات لاحصر لها ( الله يكون فى عونه ) ده اذا كان ليه وجود اساسا على ارض الواقع
وده طبعا علشان تمشى تتباهى بيه ادام صاحباتها فى النادى.. وكانه بروج الماظ او الفورير الجديد مثلا
ويا سلام بقى لو كان طيار ولا ضابط ولا حتى دكتور ميضريش وكانها عايزة تفصل واحد زوج على مقاسها ..
ونسيت انه انسان من صنع الله
وبجد مش عارفة ليه كل ده؟!!!
حد يجااااااااااااااااااااااا ااااااااااااااااااااوبنى ؟
عارفين زمان كنت بسمع ان البنت كان كل طموحها انها تتجوز انسان يتقى الله فيها ويكون بيحبها بس ومكانش فى حسابتها انها تعيش فى قصر , دى كانت تتمنى انها حتى تعيش معاه فى اوضة فوق السطوح ويبداؤا حياتهم من الصفر

السؤال بيقول :

* تفضليه غنى ومتريش والحالة متريشة معاه والقاشية معدن زى مابيقولوا ومش مهم بقى اذا كان فيه حب ولا مفيش او فيه اخلاء ولا برده مفيش ويبقى كل حاجة فى الدنيا تهون علشان الفلوس !!!
* ولا من النوع التانى اللى كلنا عارفينه كويس واللى بتكون صفاته كالاتى :
بيتقى الله , وبيحب بجد , وطيب وحنين .. الخ

لولا اختلاف الاذواق لبارت السلع
وعموما مستنية ردودكم وتفاعلتكم مع الموضوع