الحمد لله تمام كويس ان شاء الله ابقى اروح اقيسه تانى بكره بس الحمد لله مش حاسس بدوخ ولا حاجه يعنى
والنهارده يا ستى صحيت بدري علشان اروح امتحن لواحد صحبي تربيه عسكريه علشان هو عنده امتحان ماده تانيه
وبعد اما صحيت وانا رايح اتصلت بواحد قالى الامتحان اتلغى خلتنى قاعد محضرتش حاجه غير محاضره المفروض انى اروح اناقش فيها المشروع وانا اساسا معرفش حاجه عن المشروع ولا كنت حضرت سكاشن ولا سجلت اسمى مع المعيد روحت وقعدنا بره انا وناس صحابي سجلت معاهم اسمى فى المجموعه وعملنا المشروع اى كلام ودخلنا الناس الى قعدت فى المشروع تزاكره وناقشوه قبلنا منهم ناس كتير الدكتور قالهم عيدوه واحنا روحنا نناقش مشروعنا فشافنى فقالى مالك كنت نايم فى المحاضره ليه قلت الضغط واطى يا دكتور قالى ليه انت ضغطك كام وقعدنا نتناقش شويه الضغط يبقى مظبوط امتى وامتى يبقى مش مظبوط وراح جاى شايف المشروع واتكلمنا شويه كده اى حاجه على اساس اننا فاهمين قالنا برافوا وعدينا فى المناقشه هههههههه
سبحان الله وروحت للمعيد اقوله اكتب اسمى فى المجموعه قالى هقول للدكتور الاول وسالنى اسمك ايه قلتله ابراهيم قالى اه عرفتك انا جيت سالت عليك النهارده قلت يبقى التوصيه رحتله قعد يقولى انت محضرتش ولا سيكشن ومينفعش قلتله معلش بقى وان شاء الله انتظم والدنيا بقت زى الفل وبعدين رجعت نمت شويه وواحد صحبي عدى عليا وروحنا جبنا جاكت وانا الحمد لله لاقيت القميص الى كنت بدور عليه وروحنا عند واحد صحبى وقعدت شويه ورجع
بالتفصيل الممل اهو
معلش طولت عليكى
