محكمه الحب والرومانسيه !!!!!!!

[golden man]

يالا يا عمور ربنا معاك فى باقى المحاكمه

[THE KING]

يلا يا سارسور كملي المحاكمه

[karmen]

أعتقد ان انا نزلت مجموعة الأسئله دي أكتر من 3 مرات وانت مجاوبتش عليها
اتفضل بقى وعليهم كمان مجموعه
انت اللي جبته لنفسك
51-مجموعه من الصفات
حطلى عند كل صفه اسم حد من المنتدى وممكن تكرر عادى
الصفات هتبقى كلها مذكر بس بترمز للإتنين للبنات والولاد
-مثقف
-محبوب
-إجتماعى
-دلوع
-راجل
-جدع
-مغرور
-موهوب
-مؤدب
-خجول
-متكبر
-حشري
-واثق من نفسه
-عبقري
-ساذج
-برئ
-مهذب
-حقود
-خبيث
-متشائم
-متفائل
-شكاك
-غامض
-عاطفى ورومانسى
-مستسلم
-شمات يعنى بيشمت
-عنيد
-أهبل
-وحيد
-أناني
52-مين أرجل واحد قابلته في حياتك؟كان راجل يعني بمعنى الكلمه؟
53-كان نفسك يبقى ليك أخوات بنات؟

54-مين هي البنت اللى عرفتها في حياتك كلها وقلت دي مش ممكن تكون مراتي أو حبيبتي؟
55-والبنت اللى قلت دي ياريت تكون مراتى وحبيبتى؟
56-والبنت اللي قلت دي صديقتي ومينفعش تكون غير كده وهنكون اصدقاء كويسين جدا؟
57-إيه هي هواياتك؟

[THE KING]

أعتقد ان انا نزلت مجموعة الأسئله دي أكتر من 3 مرات وانت مجاوبتش عليها
اتفضل بقى وعليهم كمان مجموعه
انت اللي جبته لنفسك

جنت ع نفسها مراقش

51-مجموعه من الصفات
حطلى عند كل صفه اسم حد من المنتدى وممكن تكرر عادى
الصفات هتبقى كلها مذكر بس بترمز للإتنين للبنات والولاد
-مثقف
رضوان
-محبوب
سيلفر
-إجتماعى
انا
-دلوع
راغد
-راجل
راغد
-جدع
ميدو بلاوي
-مغرور
mr piarte
-موهوب
الادمن
-مؤدب
golden man
-خجول
manolly
-متكبر
prince of alex
-حشري
حشري ازاي يعنى هههههه يعنى عايش مع النمل والصراصير
مش فاهمها دي .. ياريت توضيح
-واثق من نفسه
كارمن
-عبقري
سلمى
-ساذج
عمر غانم
-برئ
البرنس الوحداني
-مهذب
سلمى
-حقود
ميدو بلاوي
-خبيث
انـــــــــــــــــــــا
-متشائم
كارمن
-متفائل
انا
-شكاك
الادمن
-غامض
الادمن
-عاطفى ورومانسى
golden man
-مستسلم
البرنس الوحداني
-شمات يعنى بيشمت
هههههههههه حلو السؤال ده ع فكره
ماشي بلابل
-عنيد
بيقولوا كارمن بس متقدريش تبقى عنيده معايا
هاهاهاهاهاهاهاهاهاها
-أهبل
عمرو البوب
-وحيد
البرنس الوحداني
-أناني
كارمن
52-مين أرجل واحد قابلته في حياتك؟كان راجل يعني بمعنى الكلمه؟
بصي يا كارمن تقدري تقولي انى لسه مقابلتش رجاله .. لان فى البلد دي الناس بتعرف بعض وبعدين بيتفرقوا
فمتقدريش تحددي
53-كان نفسك يبقى ليك أخوات بنات؟
ياريييييييييييييييييييييييييييييت .. بس الواحد بيعتبر كل البنات اخواته وهما مبيعتبرهوش اخ وبيفكروا فى حاجات تانيه
حسبي الله ونعم الوكيل

54-مين هي البنت اللى عرفتها في حياتك كلها وقلت دي مش ممكن تكون مراتي أو حبيبتي؟
55-والبنت اللى قلت دي ياريت تكون مراتى وحبيبتى؟
56-والبنت اللي قلت دي صديقتي ومينفعش تكون غير كده وهنكون اصدقاء كويسين جدا؟

يا كارمن .. أخر 3 أسئله .. !!
الإجابه عليهم صعبه
لأني هقولك واحده كنت اعرفها
ده ع أساس انك عرفتيها خلاص ولا ايه !!!
ولا اقولك اسمها ولا ايه ..؟؟
مش فاهم خالص

57-إيه هي هواياتك؟
الكمبيوتر .. السله .. الاسكواش

[karmen]

يا كارمن .. أخر 3 أسئله .. !!
الإجابه عليهم صعبه
لأني هقولك واحده كنت اعرفها
ده ع أساس انك عرفتيها خلاص ولا ايه !!!
ولا اقولك اسمها ولا ايه ..؟؟
مش فاهم خالص
قول أسامي
ونبذه مختصره عنهم
يعنى الحاجات اللي تخليك تختارهم بناءا على ايه
كده يعنى

[karmen]

-حشري
حشري ازاي يعنى هههههه يعنى عايش مع النمل والصراصير
مش فاهمها دي .. ياريت توضيح
حشري يعنى بيحشر نفسه في اللي ملهوش فيه
يعنى بيتدخل فيما لا يعنيه
يعني فضولي زياده عن اللزوم
ايه مش مفهومه للدرجه دي؟؟؟؟؟؟؟؟؟؟؟؟؟

[manolly]

ايه يا عموووووووووووووووور روحت فين بس
يلا يا عم علشان تاخد حكم بقى
ان شاء الله كل خير
اعدااااااااااااااااااااام
ههههههههههههههههههههه
مع وقف التنفيذ يا سيادة القاضى طبعا

[THE KING]

هههههههههههه
اعدام مع ايقاف التنفيذ ؟؟!!

ازاى يعنى هيحطوني عالمشنقه ويسيبوني ولا ايه ؟؟
ههههههههههههههههههههههههههههههههههههههههههههههههه

[karmen]

هههههههههههههههههههههه
خلاااااااااااااااااااص
آخر دفعه من الأسئله
جاوب عشان تشوف الحكم
شوفت انا طيوبه وقلبي ابيض ازاى بقى



58-نفسك تترقى تبقى ايه تاني فى المنتدى؟
59-لو كنت مشرف نفسك تشرف على انهي قسم؟
60-مين أكتر صديق ليك في المنتدى؟
61-مين أكتر صديقه ليك في المنتدى؟
62-ايه اكتر اسم بتحبه في الولاد؟
63-أكتر اسم بتحبه في البنات؟
64-قوللى كل واحد من دول ايه بالنسبالك:أو بيمثلك ايه::
-أخوك
-مامتك
-باباك
-أدمن
-سيلفر
-كارمن
-برنس أليكس
-عمرو البوب
-وليد صاحبك
-ملاك الروح
-همسات الروح
-عمر غانم
-ميدو بلاوي
65-تتمنى ايه لنفسك:وللماجيك:وللعالم كله؟
66-لو الانترنت اتلغى خالص هيأثر عليك أو هيفرق معاك؟
67-في موضوع ليه (مين يقدر يجاوب عالسؤال)عن ****** والصديق جاوبت اجابه عايمه مفهمتش منها حاجه؟فسر اجابتك؟وقول بصراحه تختار مين ****** ام الصديق؟

[THE KING]

هههههههههههههههههههههه
خلاااااااااااااااااااص
آخر دفعه من الأسئله
جاوب عشان تشوف الحكم
شوفت انا طيوبه وقلبي ابيض ازاى بقى

لا بصراحه طيبه قوي وبنت حلال

58-نفسك تترقى تبقى ايه تاني فى المنتدى؟
منفسيش اترقى .. انا راضي بالمراقب
59-لو كنت مشرف نفسك تشرف على انهي قسم؟
الشباب
60-مين أكتر صديق ليك في المنتدى؟
طيب انا هجاوب من غير الناس اللى اعرفهم .. هقول ezat
61-مين أكتر صديقه ليك في المنتدى؟
ملاك الروح
62-ايه اكتر اسم بتحبه في الولاد؟
محمد
63-أكتر اسم بتحبه في البنات؟
ملك
64-قوللى كل واحد من دول ايه بالنسبالك:أو بيمثلك ايه::
-أخوك
مهم جدا طبعا .. لأنه اخويا .. واللى الناس متعرفهوش انه بابا وماما هما اللى خلفوه
وبعدين اخويا الوحيد بردو .. بس في مشاكل بردو بتحصل
عادي جدا
اراهن ان كارمن واخواتها بيشدوا فى شعر بعض دلوقتي
-مامتك
اللى بتغذيني وتأكلني
ههههههههههههههههههههههههههههههه
بتمثلي كل حاجه طبعاَ
-باباك
الممون بتاع العيله اللى بيجيب العملات
ههههههههههههههههههههههههههههههههههههههههههههههه
بهزر بهزر
بابا ده زي صحبي بالظبط
-أدمن
بسأله فى اي حاجه اعملها فى النت
-سيلفر
بعيد عن المنتدى هو انسان كويس ..
وبعتبره صديق وأخ ..
-كارمن
دي اختي اللى مخلفتهاش
-برنس أليكس
صحبي وزميل المدرسه
-عمرو البوب
صحبي وزميل الشوارع
-وليد صاحبك
صحبي وزميل المدرسه وزميل الشوارع وزميل كل حاجه
ده صحبي الأنتيم .. بس للأسف سافر ومش راجع تاني
يلا بأه ندور ع حد تانى ونشوف اللسته
-ملاك الروح
بعتبرها اختى الكبيره .. والصغيره
كبيره وبعقل طفله ..!! ^_^
-همسات الروح
اختى الكبيره بردو بس ب كام شهر
-عمر غانم
والله معرفهوش كويس بس من المنتدى عرفت انه فى السعوديه وكده
ولو حصل واتكلمت معاه هكون مبسوط أكيد
-ميدو بلاوي
هاهاهاهاها
اخويا الكبير
65-تتمنى ايه لنفسك:وللماجيك:وللعالم كله؟
اتمنى لنفسي انى اجيب اي مجموع يدخلني اى كليه ولو حتى خاصه
بس متبهدلش فى خدمه اجتماعيه والحاجات دي

اتمنى للماجيك التقدم المستمر
واتمنى للعالم انه يعيش فى سلام وكل بلد تعيش فى حالها وتسيبها من الباقى
ويعملوا بقال فى نص العالم كل ريس يروح يشتري اللى بلده محتاجاه ^_^

66-لو الانترنت اتلغى خالص هيأثر عليك أو هيفرق معاك؟
لا مش هيأثر فيا ولا هيفرق معايا
اللى هيفرق معايا انى بكلم صحابي اللى فى مصر عليه و التحميل وكده
67-في موضوع ليه (مين يقدر يجاوب عالسؤال)عن ****** والصديق جاوبت اجابه عايمه مفهمتش منها حاجه؟فسر اجابتك؟وقول بصراحه تختار مين ****** ام الصديق؟

ياجدعان قلنا مليون مره وادي المره مليون وواحد دهدي
مفيش وجه مقارنه بين التنين أيدا .. لأن كل واحد ليه صفات مختلفه عن التانى نهائياً