|
المنتدى العام للنقاش الهادف والبناء والمواضيع العامه |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
لو لم أكن مصرى لوددت أن أكون صينى
بالظبط زى ما قريت كده لو مكنتش مصري كنت هحب اكون صيني لالالا مش عشان احجامهم صغيره وتنفع فى زحمه مصر ولا عشان كلهم شبه بعض وده فى بلدنا عز الطلب اسرق واعمل ابن عمك اقتل وقول انك خالتك .. مش عشان شعب مؤدب وتحسهم ذوق والكلمه ديه بره قاموس المصرين .. ولا عشان لوحد منهم داس على رجلك فى المترو هيقعد يتأسفلك ساعه كأنه أجرم جريمه حرب مع ان لو مصرى كان مسكك رزعك قلم وقالك انت حاطط رجلك تحت رجلى ازاى ياد يا ابن ال ..... محدش منكم لاحظ ان الصينين فى بلدنا قربوا يبقوا اد ولاد البلد ؟ طب محدش حس ان الصين غزت مصر ؟ طب حد فكر هما ليه اختاروا مصر تحديدا عشان يسوقوا فيها منتجاتهم ؟ اهو دا اللى هنتكلم فيه السوق المصرى ( واخدين بالكم المصرى ) بقى كله صينى كان من كام سنه بدأ بفوانيس رمضان والبطاريات الحجاره ( اللى بتخلص اول ما تركبها ) بعدها انتشر فى لعب الاطفال ( اى نعم كان بلستكها معفن ) بس كانت افكارها مبتكره ولاد العفاريت تحسوا ولدهم بيلعبوا لعب فيها تنميه مهارات واحنا ولدنا ( ملحوسين فى الطين او بيلعبوا بالنحله) ولو ربك كرم العيل منهم بشويه ذكاء هتلاقيه بيلعب ( بالميكانوا) وهيفضل يركب فى الشكل الصح طفولته ومراهقته وشبابه وولاده يكمله المسيره نظرا لتخلف عقليات الاطفال وتدنى ذكائهم بعدها ظهر الصينى فى الاجهزه كانت الاول تليفزيونات ومحدش كان بيشتريها لا دلوقتى بقى كل الاجهزه تقريبا بقت صينى حتى الموبايلات وللامانه الجوده بتاعتها كويسه يمكن مش هتعيش كتير بس اهو بتاخد وقتها وتبوظ والفتره الاخيره لاقينا كل المنتجات المعروضه فى السوق من اجهزه ولبس واكسسوارات عربيات وموبايلات ومكياجات صينى وحاجات مش نتخيل انها صينى انا والله بلاقى ابر مكتوب عليها بلد المنشأ الصين يعنى حتى الابره مسابوهاش ده غير طبعا الظاهره الغريبه اللى انتشرت وهيا انك تبقى قاعد فى بتكم فى امانه الله وتلاقى واحده بتخبط عليك ومعاها منتجات صينيه تخص جهاز العرايس بس للامانه بيخبطوا مره واحده وبيعرضوا مره واحده عايز ؟ لا طب شكرا .. مش البياعين بتوعنا يهدوا عليك باب الشقه واجبارى لازم تشترى ولو مشتريتش الواحد منهم عنده القدره يفضل واقف لحد ما تكره عيشتك وتشترى ان شالله ترميها بعد ما ينزل المهم عنده تشترى **حسيت ان الموضوع ده زاد عن الحد .. البلد نصها ناس صينيه بتبيع والنص التانى المنتجات نفسها واحنا شعب وحكومه بنقلب فى الباضعه وبنشترى لا وبنفاصل قعدت اسأل نفسى طب ليه ده حاصل ليه هما شايفين بلدنا وشعبنا مستثمر كويس وليه احنا شعب وحكومه فرحانين بده جدا (( من نظره الصين )) 1 - الصين متحمسه لشتغيل شبابها بدل بطالتهم وبدل ما يمثلوا عليها عبء 2 - تسويق منتجات زياده عن حاجه بلدهم او فرز تانى 3 - شايفين فينا طبع التضحيه بنقتنع بنص الجوده على حساب سعر اقل 4 - ملاحظين حبنا وولعنا بشرا كل حاجه واى حاجه حتى لو ملهاش لزمه او عندنا منها بدل الوحده 3 5 - شايفين شعب هيفرح بالمنتج باى شكل ومش هيسأل طب ليه احنا بالذات ومش غيرنا من العرب او الغرب (( من نظره المصرين )) 1- الحكومه بتقول وماله اهو المنتجات الصينى هتلهى الشعب عن منتج بلده وبالتالى نصدره بره بسعر اعلى 2 - الحكومه فرحانه اننا بنتلهى برضه فى الصينى وبطلنا ندن فى ودنهم عن تدنى جوده المنتج المصرى او زياده سعره على الفاضى او تأفيله اللى يقرف 3 - فرصه الشعب الغلبان الهفتان ان المنتج جايله لحد بلده شكلا كويس جوده معقوله وسعر من الاخر لقطه .. لا وايه مافيش فصال زى البياعين المصرين ما شطار فى سرقه الزباين ** لحد هنا وماشى انما ليه المنتج المصرى مش واخد فرصته فى مصر لاهل بلده وامتى هيطلع ويقول انا هنا ولا احنا عاجبنا الشعوب اللى طلعت بعدنا تسبقنا حتى فى ابسط المنتجات زى الابر نــــــــهايـــتــه سيبونى بقى عشان هرد على موبايلى وبالمناسبه صينى يارب نفوق من هذه الغفلة اللي احنا نمنا فيها ده احنا احفاد الفراعنة.....!!! __________________ |
#2
|
||||
|
||||
منتظره الردود والآراء
|
#3
|
||||
|
||||
انا بيتهيالى كل واحد فينا بعد كام سنة هتلاقى مكتوب علىيه
made in china بجد والله هم يبكى وهم يضحك انا سمعت عن مسابقة كانت معمولة لو قدرت تجمع 100 منتج(ايا كان) مكتوب عليهمmade in egypt حتى لو ابرة زى مابتقولى هتكسب 5000 جنيه بس كان مفروض يخلوا الجايزة اكبر شوية من كدة لا ده تقريبا مستحيييييييييييييييييييل تسلمى يا كارمن عالموضوع
__________________
|
#4
|
||||
|
||||
made in china
على فكره من فتره حصل هجوم من مجموعه صيانيه بتضع ردود غريبه فى الموضوع والردود حتى الماجيك عايزينو صاينى |
#5
|
||||
|
||||
ههههههههههههههههه
لالالالالالالالالالالالالالالالالالالالالالالالا الماجيك made in estanha مينفعش يكون غير كدة ولا ايه
__________________
|
#6
|
||||
|
||||
اقتباس:
مسابقه حلوه أوى طبعا مكنش حد هيكسب فيها هو فيه حاجه بقت مصنوعه في مصر دلوقتى |
#7
|
||||
|
||||
اقتباس:
اه فعلا يا أسامه بس الحمد لله من ساعة ما وقفت عضويتهم خفوا عننا شويه خللى بالك احنا مش هنستسلم أبدا هندافع عن الماجيك ونقول بالروح بالدم نفديك يا ميجو وعلى فكره زى ما ميمو قالت الماجيك made in istanha مينفعش يبقى صيني |
مواقع النشر (المفضلة) |
الكلمات الدلالية (Tags) |
مصرى, أندية, أكون, صيني |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حتى أكون عارية لك ! | Silver | المنتدى العام | 6 | 2009-11-11 05:00 AM |
فضل سجود الشكر | amralbob | منتدى نور الإيمان | 4 | 2009-08-03 06:29 PM |
ارفع راسكـ انت .. صيني .. | الماجيك | اضحك من قلبك | 3 | 2009-05-03 03:07 PM |
إتعلمت انى أكون حساس | البرنس الوحدانى | منتدي الفنون الادبيه | 8 | 2009-03-02 10:48 PM |