|
|
|||||||
| عالم حواء كل حاجة للبنوتات من وأزياء ومكياج |
 |
|
|
أدوات الموضوع | إبحث في الموضوع | انواع عرض الموضوع |
|
#1
2008-03-08, 07:05 AM
|
||||
|
||||
انتـي مرتبـطة؟
  دلوقتي فيفي وسوسو وحتى تفيدة اتجوزوا.. وإنتِ يا عيني الوحيدة اللي بتعاني من الوحدة.. وبتضايقك جدا تعليقات صحباتك البنات بخصوص "مش ناوية قريب؟" و"يلاّ عاوزين نحضر فرح" و"إنت آخر واحدة ماتجوزتش في الشلة إمتى نخلص منك بقى أكيد لما بتسمعي التعليقات اللطيفة دي، بييجي على دماغك سؤال.. يا ترى فيفي وسوسو وتفيدة أحسن مني في إيه؟ أجمل مني؟ أذكى مني؟ دمهم أخف من دمي؟ ويا ترى ليه إنت بقالك ييجي 60 سنة مش عارفة تدخلي في علاقة عاطفية جادة؟ وليه يأستي لدرجة إن عندك استعداد ترتبطي بأي حد والسلام؟ احنا هنا بنقولك إن المشكلة بسيطة جدا، وكل اللي إنت محتاجاه للوصول للجاذبية اللي قدروا صحباتك البنات إنهم يوصلوا ليها، هي إنك تعرفي نفسك.. وخلينا نفهم الموضوع واحدة واحدة *******  أولا لازم تكوني صريحة جدا مع نفسك.. وتعترفي بنقاط قوتك، و-الأهم من ده- تعترفي بنقاط ضعفك أو عيوبك.. وده طبعا مش بيكون سهل، لأن مفيش حد تقريبا يحب إن تكون عنده عيوب أو "ديفوهات" في شخصيته.. ولو سألتيني "ده هيساعدني إزاي في إني أدخل علاقة عاطفية؟" هاقول لك إن مجرد معرفتك بالنقاط دي هايديكي ثقة أكثر في نفسك، وتحكُّم في العيوب دي وهيعلمك ازاي تخليها ماتأثرش في علاقاتك بالناس وهتخليكي كمان تقدري تستوعبي ازاي العيوب دي ممكن تؤثر سلبياً في وجهة نظر أي حد بيحاول يقرب لك على المستوى الإنساني والعاطفي، وخلينا نشوف المثال ده ******* أحمد: ويا ترى إنتي بتحبي تقضي وقت فراغك في إيه؟ نانا: في الحقيقة أنا باحب أعمل شوبينج قوي.. باحب اشتري ماكياج كتير وأبقى نازلة أتفرج على المحلات عادي ألاقي نفسي اشتريت 4 إيشاربات مثلا وإكسسوارات وأدوات ماكياج وارجع أستلف من ماما لحد آخر الشهر طبعا نانا هنا كانت بتتكلم براحتها وبالتفصيل الممل، من غير ما تعرف إن ده عيب قاتل في شخصيتها. وطبعا أحمد بيفكر في حاجة واحدة اللي هي "الحمد لله إني عرفت الكلام دلوقت أحسن لو كنت اتجوزتها كانت خربت البيت وموتتنا من الجوع في الحالة دي إحنا مش بنطلب من نانا إنها تكذب وتخبي حقيقتها على أحمد، إحنا بنطلب منها إنها تعرف إن اللي بتقوله ده يندرج تحت عيب "التبذير وصرف الفلوس من غير وعي"، ولما تعرف إنه عيب هتحاول تصلحه بقدر الإمكان بإنها تتحكم في رغبتها المحمومة في الشراء على الفاضي وعلى المليان.. وبالتالي، لما تييجي تحكي لأحمد عن موضوع الشوبينج بتاعها ده، هتكون فاهمة إن ده عيب في شخصيتها، مش هتتفاخر بيه زي ما عملت في الحوار اللي فات ******* من أنتي؟  مهم جدا إنك تعرفي نفسك وتكوني صديقة نفسك الأولى.. والإجابة على أشهر سؤال في تاريخ السينما المصرية "من أنت؟" بتاع "سعاد حسني" في فيلم (خلي بالك من زوزو).. شيء صعب مش سهل.. لأن جواه تفاصيل كتير.. يعني إيه من أنا؟ طب ما هو "أنا" ده عبارة عن كذا شخصية.. عبارة عن ابنة وأخت وطالبة وممكن فنانة.. إلخ.. إيه المقصود بأنا؟ اسمي؟ ديني؟ وظيفتي؟ دوري في عيلتي؟ دوري مع أصحابي؟ الحصول على إجابة السؤال ده محتاجة الكثير من التأمل والبحث جواكي ******* لو أنا مش باحب نفسي، مين هايحبني؟  قلنا إن من أهم الصفات اللي لازم تتحلي بيها هي الثقة بالنفس.. والثقة بالنفس دي هاتيجي من معرفة إجابة سؤال "من أنتِ؟"وزي ما قلنا.. الثقة بالنفس يعني إنك تتقبلي نفسك بكل ما فيها.. بكل المميزات وبكل العيوب بصفتها شيء إنساني جدا ولأن الكمال لله وحده.. وخلي بالك.. لو إنت عمالة تبيني للناس إنك رائعة وفظيعة ومحصلتيش وإنك أحسن حاجة حصلت بعد بناء السد العالي، وإنت من جواكي مش مؤمنة بده ومؤمنة بإنك -مثلا- أتخن من اللازم أو مش ذكية قوية أو ماتستحقيش حبا حقيقيا.. ثقي تماما إن الناس هتعرف ده، وهتبعد عنك ومن ضمنهم قد يكون فارس أحلامك ******* الخلاصة لازم تحبي نفسك، لو كنتِ عاوزة حد يحبك ******* درس عملي  طيب خلونا متفائلين وخلونا نقول إنكم مقتنعين بكل الكلام اللي قلناه فوق ده، ومحتاجين بس شوية أدوات تساعدكم في معرفة نفسكم جاوبوا على الأسئلة دي في قعدة صفا مع النفس وهتندهشوا من كمية الحاجات اللي إنتم ماتعرفوهاش عن نفسكم هل ساعات بتحسي إنك محتاجة تلبسي "ماسك" أو تخبي شخصيتك الحقيقية في بعض المواقف؟ إمتى بيحصل ده وليه؟ هل بتشعري بالعار في أحيان كتيرة؟ ليه؟ هل بتحسي إنك مش ذكية كفاية؟ إيه المشكلة الأساسية الموجودة عندك؟ بتحسي إنك واثقة في نفسك ولا لأ؟ هل تعتقدي إن (أختك.. صاحبتك.. إلخ) أحسن منك؟ في إيه؟ هل بتحسي إنك ماتستحقيش الحب الحقيقي؟ إمتى بتحسي إنك مسيطرة على حياتك ومتحكمة فيها بالكامل؟ هل بتحسي إن شخصيتك ذكية وجذابة ومميزة؟ هل بتحسي إن تجارب سابقة حطمتك وبالتالي معندكيش الاستعداد النفسي لخوض علاقة عاطفية جديدة؟ هل بتشعري إنك تستحقي السعادة؟ السبب وراء الإجابة على الأسئلة دي هو إنك توصلي لنقط الضعف ونقط القوة في شخصيتك.. تحاولي تقللي من العيوب، وبالتالي المميزات هتزيد ومعاها الثقة بالنفس.. وبدل من إنك توافقي على الارتباط بأي شخص والسلام.. أو بحد مش بيعاملك بالطريقة اللي تستحقيها، هتقدري تعملي وقفة وتقولي: لأ.. أنا أستاهل حد يعاملني باحترام وتقدير وحب.. من حقي أكون سعيدة في حياتي.. مع الإنسان المناسب  ******* بعد ما تقدري تقدمي نفسك للناس بهذه الصورة.. اللي إنت فيها بتقدري ذاتك وتحترميها.. ومش راضية فيها بأي حد والسلام.. ومش عاوزة فيها تتجوزي وخلاص من فرط اليأس.. هتلاقي نفسك بقيتي محاطة بعدد لا بأس به من الشباب اللي زي الفل واللي عاوزين يتقدموا لك، لأن أكتر حاجة ممكن تحبط الشاب في البنت اللي بيفكر يرتبط بيها هي إنه يحس إنها يائسة وماعندهاش ثقة بنفسها وده هيضمن له ببساطة عيشة نكد طول العمر ******* خلي شخصيتك وصفاتك الجميلة تشرق من جواكي خليكي متوهجة بالحماس وبالشغف للحاجات اللي بتحبي تعمليها خلي الناس هي اللي تنجذب ليكي من غير ما تبذلي مجهود غير في إنك تكوني أحسن ما عندك وابقي ادعي لنا ******* 
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء  
|
|
#2
2008-03-09, 04:14 AM
|
||||
|
||||
|
موضوع رائع جدا ونصيحة غالية جدا وبجد كمان هي مفيدة لأي حد غير واثق من نفسه بس انا ليه راي في موضوع الارتباط اننا مش لازم ندور عليه لأننا لو بحثنا عنه احتمال الخطأ في الاختيار كبير جدا لازم الحب يأتي لنا مش احنا اللي ندور عليه
|
|
#3
2008-03-09, 05:18 PM
|
||||
|
||||
|
اشطه عليك يا عم رامي ما انت بتعرف في الحاجات دي واحنا مش عارفين
بس فيه مقوله بتقولك ************ تم تحرير وانا ماشي علي المقوله ودي
__________________
لو كان العشق كلمات تكتب لانهيت اقلامي ولكن العشق ارواح توهب فوهبتك روحي
التعديل الأخير تم بواسطة admin ; 2009-09-04 الساعة 06:47 PM
|
|
#4
2008-03-12, 12:52 PM
|
||||
|
||||
.gif)
__________________
افضل 15 مشارك  
|
|
#7
2009-09-04, 03:43 PM
|
||||
|
||||
|
موضوع تحفه ورائع جدا يا رامى
وفعلا فيه افاده كبيره جدا بس انا شايفه ان الجواز ده نصيب مش اكتر يعنى حتى لو الواحده او الواحد عملوا أراجوزات برضو النصيب هو اللى هيكسب ولو مكتوبلى اتجوز قرد هتجوزه منغير ما يكون ليه حق اعترض لأن ده النصيب والمكتوب
|
|
#8
2009-09-04, 03:46 PM
|
||||
|
||||
|
اقتباس:
وغلط مليون في الميه طبعا كلمة كلهن دي غلط في أي شئ مفيش اى حاجه في الدنيا تخلينا نجمع الناس كلها على صفه واحده لأن لكل قاعده شواذ مهما كانت القاعده دى التعديل الأخير تم بواسطة Silver ; 2009-10-11 الساعة 05:42 AM
|
|
#10
2009-09-05, 02:24 AM
|
||||
|
||||
|
قشطا يا كبير على الموضوع الخطير
ننتظر المزيد
__________________
أتعلمين أن القمر يغار منك والشمس حينما تراكى تذهب لتجعلك بنورك الساطع وجمالك الرائع أن تنيرى لنا حياتنا..... كنت أسير فى طريق مظلم لا أرى فيه الا الوحدة والكآبة والحرمان ولكن بعد فترة رأيت نورا من بعيد أعاد لى الأمل من جديد وشعرت أنى أملك كل شئ فى هذه الدنيا ولكن بعد فترة رأيت نورا من بعيد أعاد لى الأمل من جديد وشعرت أنى أملك كل شئ فى هذه الدنيا وترسمت على وجهى سعادة لم يرها أحد من قبل...... 
|
|
| مواقع النشر (المفضلة) |
|
|
بحبكم فى الله
العرض العادي
