اسئلة مستفزة جدا !!! حاجة تشل...........

[prince of alex]

اسئلة مستفزة جد ا
أنت في أوضتك . على السرير وطافي النور ومتغطي ..
يجي أخوك الظريف ويفتح الباب عليك ويقول : ايه ياده انت هتنام ولا ايه ؟
((أظن ده مش وضع الرقص !!! واضح ان انا هنام))
,,,,,,,,,,,,,,,,,,,, ,,,,,,,,,,,,
أنتم معزومين عند ناس ورحتو لبيتهم
وأول ما فتحولكوا الباب يقول ابنهم الصغير " انتوا جيتــواااااااااااااا اا
((لا لسه))
,,,,,,,,,,,,,,,,,,,, ,,,,,,,,,,,,
والعكس : أنت لابس هدومك و متأنتك و على سنجه عشره وريحة البارفان واصله لاخر الشارع . وخلاص بتفتح باب الشقه,, يجي حد من أهلك وينادي بصوت عالي : انت خااااارج ولا اييييييييييه
((لاء دانا لسه راجع!! ))
,,,,,,,,,,,,,,,,,,,, ,,,,,,,,,,,,,,,,,,,, *
أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟
((لا العربيه واحشاني))
,,,,,,,,,,,,,,,,,,,, ,,,,,,,,,,,,,,,,
مثلا : ماسك مذكرة أو كتاب وقاعد تحفظ ومتحمس أول مره تعملها بقى( .. جه حد وقالك
:هاه قاعد تذاكر؟)
(( تقوم رامي الكتاب و تقوله لااااااااء ))
,,,,,,,,,,,,,,,,,,,, ,,,,,,,,,,,,*
ولا تعالــو شوفو قنواتنا واسئلتهم البديهيه البايخه
برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب الاغنيّة ديه ولا ايه ؟
((لاء طالبها اخنق على نفسي))
,,,,,,,,,,,,,,,,,,,, ,,,,,,,,,,,,*
أو مثلا في العيد
المذيع: هههههه هههههههه هههههه نتعرف بيك
االمواطن: فلان الفلاني
المذيع: هههههه هههههه هههههه بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان؟ هههههه هههههه ههههههه
المواطن : أقولهم كل عام وأنتم بخير ..
((أكيد يعني مش هيقولهم البقاء لله))
,,,,,,,,,,,,,,,,,,,, ,,,,,,,,,,,,*
,,,المذيعه الرخمه : وياترى بقى هتعملوا
ايه العيد ده هتقضوه ازاي؟ اكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيد عليهم و نقولهم كل سنه و انتوا طيبين
(( سبتيله ايه يقوله يارخمه))
,,,,,,,,,,,,,,,,,,,, ,,,,,,,,,,,,
والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!
((يعني اساسي الواد لسه ما طلعلوش عرق الخسه علشان يقول لأ))

[golden man]

مثلا : ماسك مذكرة أو كتاب وقاعد تحفظ ومتحمس أول مره تعملها بقى( .. جه حد وقالك
:هاه قاعد تذاكر؟)
(( تقوم رامي الكتاب و تقوله لااااااااء ))
هههههههههههههههههههههههههههههه
جامد يا برنس والله
نفس الى بيحصل

[بلابل]

ولا تعالــو شوفو قنواتنا واسئلتهم البديهيه البايخه
برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب الاغنيّة ديه ولا ايه ؟
((لاء طالبها اخنق على نفسي))

ههههههههههههههه

جاااااااااااااااامد

تسلم ايدك يا برنس

[Silver]

دى حاجة تشل فعلاً

بس هو كده هتعمل ايه؟!!

بص لنفسك وهتلاقيك بتعمل كده

هى الناس كلها بتسأل نفس الاسئلة

[prince of alex]

يسلملس مروركم شباب