|
|
|||||||
| منتدي الفنون الادبيه شعر و قصائد وقصص وفنون أدبيه يُمنع وضع المواد التي تحتوي على موسيقى |
 |
|
|
أدوات الموضوع | إبحث في الموضوع | انواع عرض الموضوع |
|
#1
2010-01-25, 12:08 PM
|
||||
|
||||
قصيدة كلمتين ( إلى مصر ) (احمد فواد نجم)
كل عين تعشق حليوة و إنتي حلوة في كل عين يا حبيبتي أنا قلبي عاشق و اسمحيلي بكلمتين كلمتين يا مصر يمكن هما أخر كلمتين حد ضامن يمشي آمن أو مِـآمن يمشي فين .......................... شابة يا أم الشعر ليلي و الجبين شق النهار و العيون بحرين أماني و الخدود عسل و نار و اللوالي ( اللؤلؤ) بابتسامتك يحكوا أسرار المحار يللي ساكنة القصر عالي إيمتى يهنالي المزار كلميني يا صبية طال علي َّ الانتظار كلمتين يا مصر يمكن هما أخر كلمتين حد ضامن يمشي آمن أو مِـآمن يمشي فين ..................... قصرك المسحور غيلانو أغبى من دود الغيطان بعد مص الغصن الاخضر ينحتوا عضم العيدان و اللي خلى الارض خضرا و اللي خلى الدار آمان عاش بجور ملو جوفه مات بخوفه من الغيلان طوّع الغلبان ما قالش عن شقا العمر اللي كان كلمتين بمصر يبقوا هما أخر كلمتين حد ضامن يمشي آمن أو مِـآمن يمشي فين .................... أدي كلمة من عذابي قلتهالك باقي كلمة من حنيني صنتهالك في الضلوع من دنيا ظلمة كنت خايف يلمحوها يقتلوها في سكة ظلمة سقسقت و النور بشاير بشاير زهرة الصبار يا سلمى يا نسيم الشوق يا طاير يا طاير خد لمصر في الصبح كلمة طول ما يبقى الركب ساير بالبصاير و العينين يبقى ضامن يمشي آمن يبقى عارف يمشي فين
__________________
 أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! 
|
|
| مواقع النشر (المفضلة) |
| الكلمات الدلالية (Tags) |
| (احمد, فؤاد, نجم), قصيدة, كلمتين |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [شعر] قصيدة يا مصر (احمد فواد نجم) | ahmed.dodo | منتدي الفنون الادبيه | 0 | 2010-01-26 02:09 AM |
| قصيدة هو شي منه (احمد فواد نجم) | ahmed.dodo | منتدي الفنون الادبيه | 0 | 2010-01-26 02:00 AM |
| [شعر] قصيدة مرحبا (احمد فواد نجم) | ahmed.dodo | منتدي الفنون الادبيه | 0 | 2010-01-26 01:47 AM |
| [شعر] قصيدة نكسون (احمد فواد نجم) | ahmed.dodo | منتدي الفنون الادبيه | 1 | 2010-01-25 12:16 PM |
| [شعر] قصيدة يا عرب(احمد فواد نجم) | ahmed.dodo | منتدي الفنون الادبيه | 1 | 2010-01-25 11:51 AM |
العرض العادي
