منتدي q8-one.com  

العودة   منتدي q8-one.com > ۝ المنتـدى الــعـــام ۝ > منتدي الفنون الادبيه > الابداعات الفنيه للاعضاء

الابداعات الفنيه للاعضاء هذا القسم خاص بالابداعات ويمنع وضع موضوع منقوله

إضافة رد
 
أدوات الموضوع إبحث في الموضوع انواع عرض الموضوع
  #1  
قديم 2009-04-05, 12:13 AM
الصورة الرمزية eima
eima eima غير متواجد حالياً
 
تاريخ التسجيل: Apr 2009
الدولة: بورسعيد
المشاركات: 184
eima is on a distinguished road
افتراضي الشيطان والخبيث والمقامر والمخدوع قصة حقيقية( eima )

المكان بورسعيد / حى العرب

الزمان / تبدى القصة من سنة 1999

هما أربع شخصيات حكالى عنهم مجموعة من أصدقائي وتبتدى ب اربع أصدقاء مابيسبوش بعض نهائيا ُ فرح زعل يوم حلو يوم مر كانو زى الروح في الجسد رغم فرق فى السن فكان الشيطان أصغرهم وكان المخدوع متزوج وأكبرهم نبتدى القصة علشان منطولش .

بعد ما كبرو مع بعض وعاشو فترات العمر مع بعض بدأو يتحكى عنهم القصص وان ما حدش يعرف يغلبهم او يكسبهم او يقربلهم بطرف كل واحد كان ليه تخصص .


الشيطان : كان أنضفهم وأحسنهم بس أسمى كده لتفكيره الرهيب والبعيد ومحدش كان بيعمل حاجة فيهم الا لما ياخدو الامر منه .

الخبيث : شخص خبيث النوايا حتى مع أصحابو بس كان بيخاف من الشيطان وكان ملذاتة هى حواء وكان الدخان الازرق هو تنفسة .

المقامر : كان بينام بالنهار ويصحى بالليل طريقو للقهاوى المشبوهة معروف القهاوى اللى بتدور القمار في الخفي والعلن كان أشهر من النار على العلم .


المخدوع : شخص قوى البنية صلب فى التعامل ولكن مخلص لمن يعرفة وكان لا احد يقرب من بنات منطقتة بسببة ولا أحد يقدر فعل شيئ فى منطقتة بسببة كان رجل بمعنى الكلمة


كان الشيطان على وعد مع المخدوع وقالو عاوزين نروح نشترى حاجات من العرب ( الحميدى والتجارى )

قالو هنروح للحاجة الاول علشان هبعتلها حاجة اطلع المدام مش هنا عند أهلها وبعد النزول والذهاب للحاجة ونزولنا للحميدى والتجارى قولتلو انا مخنوق مش عاوز اروح دلوقتى عاوز اروح اتمشي على المية ( شط البحر ) ومش عاوز اشوف بنى ادمين فى شوية مشاكل عندى وزهقان :

المخدوع : طب نتمشي نحية شارع صالح سليم لحد البحر عند ******ة والعشاق دحنا هنشوف مناظر مسخرة ونرجع لحد الاستاد وكفاية كدا عليك هو انت ايه هتخلينى أخسس :

الشيطان : طب يلا وبعد ما مشو كانت الرؤية مش واضحة كانت الدنيا ليل بس كان الشيطان عندو حس الحضور وكان شايف الخبيث وزوجة المخدوع على دايرة فى الكرونيش قام لافف وقايل للمخدوع :

انا عاوز اروح تعالى نطلع من قدام ووننزل نركب ونروح وكلمو فى حوار كان شديد الاهمية .
وروح وهو مخنوق من الخبيث مش عارف يفكر لاول مرة مش عارف يطلع ورقتو وقلمو اللى كان بيخطط بيهم مش عارف يلم أعصابو خيــــــــــــــــــــــــــانة صعبة ومع مين مع اعز اصحابنا هيبقي فيها قتل .


نزل الشيطان للمقامر فى القهوة وكانت فى القابوطى :

الشيطان وشكله كان مقلوب : انت يابنى انت يامقامر :

المقامر : عاوز ايه .

الشيطان :سيب اللى فأيدك ده عاوز اخد رأيك فى حاجة ؟

المقامر انت أهبل معتش غير طلعة والــ 200 جنية هيبقي فى ايدى .


وفعلا كسب المقامر
المقامر : مالك يا شطان عاوز فلوس بص انا معايا حركة 300 جنية لو عاوزهم كلهم خدهم بس انت شكلك مش فلوس حد مزعلك اجيب المخدوع والخبيث ونخطفهولك ونشفهولك ونقولك جاهز للاكل .


الشيطان : انا عاوز اقولك لو شفت ابن جرتكو ماشي ما بنت جارتكم هتعمل ايه :

المقامر : هفضل اضحك :

الشيطان : ولو جاركو ماشي مع مرات جارك هتعمل ايه .

المقامر : هقول لجوزها بس الاول اموتو ضرب وبعدين ابعتو لجوزها بس انت بتسأل ليه وغير كدا مش طريقتك ومش جرانكو خير .

الشيطان : بعدين بعدين اسيبك دلوقتى :

الشيطان يركب تاكس ويروح للخبيث عند البيت .

وبعد انتظار دام ساعة :

الخبيث جاى والابتسامة هتقفز من وشة شطاااااااااااااااااااااااااااان ايه حبييي عامل ايه

الشيطان : فى حاجة :

الخبيث : ايه هى خير .

الشيطان : شفت واحد ماشي مع أختك وكان منظرهم وحش قوى .

الخبيث : أختى أنا أزاى هموتها .

الشيطان : اتقل بس انت البت كدا كدا فى بيتك هتعرف تضربها زى منتا عاوز احنا عاوزين نطول الواد الاول انا عارف الواد ده وسهل اجيبة بس لو جبناه هتعمل ايه .

الخبيث : هقطعلو أوتار ايدو ورجلو علشان ما يعرفش ولا يمشي ولا ياكل يعيش مزلول واختى هموتها ضرب انت عارف ده معناه ايه .

الشيطان : طب بس انت طول عمرك بتسمع كلامى صح .

الخبيث : اااه

الشيطان : انت تروح تهزر وتلعب مع اختك وكأن ما فيش حاجة نهائيا ً علشان متشكش فى حاجة وتطير مننا لحظة مقابلتهم انا عاوزهم مع بعض وأوعدك هعمل اللى انتى قولت عليه ومش هخليك تعك أيدك بدم أحنا عندنا المخدوع ده أديه معكوكه دم علطول وانت هتتفرج زى الباشا ماشي .

الخبيث : ماشيى يا شطان .

الشيطان : بس انت كنت جاى فاتح أبتسامتك قوى أنت كنت جاى منين وبأمانة .

الخبيث : اصل ماشي اليومين دول مع احده متجوزه اهطل مخليها تاخد منه فلوس وتجبهالى .

الشيطان : يسلام شوف كنا بنتكلم في ايه وانت كنت في أيه هو كما تدين تدان ولا ايه .

الخبيث : متعدل كلامك يا شطان علشان متقفلش معاك انا بقولك بعمل معاها كل حاجة وانت تقول كدا على اختى انت هتجيب دى لدى ولا ايه انت كده الكلام بيقع منك كده هنمسك في بعض .

الشيطان : أنا أسف مش قصدى التشبيه بالظبط يا عم انا عارفين ان اختك مشت بس يعنى شغل حبيبة وهى لسه فى تجارة يعنى عيلة انتى رايح فين دلوقتى .

الخبيث : انت عاوز بعد الكلام الزفت ده أروح فين هجيب بكتة بانجو أحرقها بدل منا بحرق فى دمى كدا .

الشيطان : ربنا يوفقك انا مش هقدر اجى محتاج ابقي بعقلى .


يتبــــــــــــــــــــــــــــع
رد مع اقتباس
  #2  
قديم 2009-04-08, 11:05 PM
الصورة الرمزية Silver
Silver Silver غير متواجد حالياً
*_* عـدو المرأة *_*
 
تاريخ التسجيل: Feb 2008
الدولة: مـــــــــ ام ـــــصــــ الدنيا ـــــر
المشاركات: 5,052
Silver is on a distinguished road
افتراضي

موضوع جميل وشيق جداً

بداية موفقة ايما

وياريت تكملنا بقية الموضوع

وبالله التوفيق
__________________
رأيت الهَم في الدنيا كثير ... وأكثره يـكون مــن النساء

فلا تأمن لأنثي قــط يوما ... ولوهبطت عليك من السماء

رد مع اقتباس
  #3  
قديم 2009-04-09, 01:49 AM
الصورة الرمزية amralbob
amralbob amralbob غير متواجد حالياً
 
تاريخ التسجيل: Jan 2009
الدولة: مــــــــــصـــــــــــ ام الدنيا ـــــــــر
المشاركات: 1,711
amralbob is on a distinguished road
افتراضي

بجد موضوع حلو تسلم اديك ويريت بقيت القصهعشان بجد قصه حلوا
رد مع اقتباس
  #4  
قديم 2009-04-09, 10:52 AM
الصورة الرمزية karmen
karmen karmen غير متواجد حالياً
مراقبه القسم العام
 
تاريخ التسجيل: Mar 2009
الدولة: دايخه في دنيا بايخه
المشاركات: 15,237
karmen is on a distinguished road
افتراضي

قصه شيقه ايما ياريت تكمليها عشان شدتنا
رد مع اقتباس
  #5  
قديم 2009-04-10, 10:01 AM
الصورة الرمزية eima
eima eima غير متواجد حالياً
 
تاريخ التسجيل: Apr 2009
الدولة: بورسعيد
المشاركات: 184
eima is on a distinguished road
افتراضي

الجـــــــزء التانى :

يكمل الشيطان وهو ماشي بجد ما أصعب خيانة الصاحب للصاحب ولو انا قولت للمخدوع هيقتلو ولو مقلتلوش يبقي أنا كدا بقتل صحبي المخدوع بخيانتى وسكاتى ليه وطبعا صاحبي المقامر عايش للكتشينة صدقونى كان بيحلم بيها وهو نايم هو كسب منها كتير وجاب عربية وجاب حاجات كتير وبقي مش فضي لينا ولو قولتلو هو أعصابو خفيفة ممكن يتهور ويقتل الخبيث :

كان من عادت الشيطان حاجة عجيبة لما يكون عاوز يفكر فى حاجة ينام كويس الصبح ويصحى الساعة 11 بليل ويطلع فخ ورق وكمان ورق قصاقيص وشوية اقلام الوان كل لون بشخص هو عاوز يكتب عنة ويجمع ويفكر لحد ما يوصل لحاجة ما يوصلهاش ابليس وبيعمل حساب كل حاجة متوقعة ومش توقعة .

وفعلا سهر الشيطان وطلع بفكرة وتانى يوم :

راح للمقامر وقالو انت اليومين دول تختفي علشان الخبيث والمخدوع عاوزين يعملو مشروع وعاوزين فلوس تكمل ولو دخلت فى المشروع حتى باسم الشريك ما نصحكش هبقي شكلة وعركة فى نهاية الحوار ومش عاوزين نخسر بعض لو حد اليومين دول فات عليك اعمل نفسك مش موجود ولو حد فات عليك بليل ما تدلوش وش واعمل ان فيه مشاكل لحد ما يتصرفو هما في فلوس ويحلو ازمتهم صدقنى لو أدتهم الخبيث مش هيرجعهم بسبب البنجو الزفت ده ماشي انت طول عمرك بتسمع كلامى علشان خاطرى المرة دى اسمو للاخر .

المقامر : مش مستريحلك بس ماشي خلينى معاك للاخر بس انا عارف ان مش انت اللى بتمنع الخير لحد فينا فيه حوار بس هعرفو فى الاخر وهتفرج عليك .

الشيطان : انت ذكى وخليك راجل للاخر الحوار اكبر منى ومنك .

الشيطان يروح للمخدوع
الشطان : بقولك ايه يا مخدوع انا عاوز اقولك حاجة بس اسمعنى للاخر ممكن .

المخدوع : اتفضل .

الشيطان : بص يا صاحبي انت عارف ان انت الاعز والاحب في قلبي من المقامر والخبيث ومابرتحش اقول حاجة الا معاك انت بس انا شايف ان فيه خيانة في ضهرك يا صحبي واللى خانك حكم على نفسه بالحكم وهو قطع اوتار ايدو رجلو .

المخدوع : اللى خانىىىىىىى يا شطان خد بالك من كلامك انت فاهم معنى الكلمة ولا انت اهطل .

الشيطان : أااه عارف وهو اللى فى دماغك واللى بيخونك صاحبك الخبيث وشفتهم مع بعض وانت كنت معايا يوم ما كنا بنشترى الترنج والكاب الاسود شفتهم على البحر ساعة ما قولتلك انا عاوز اروح دلوقتى ورجعنا ومرضتش نطلع من الفتحة القريبة رغم انى عاوز اروح وطلعنا من البعيدة هما كانو قاعدين ساعتها .

صدقونى ما شفتش اعظم ولا أشد من الدموع اللى شوفتها دى شوفت دموع من غليانها لو نزلت على الخدود تحرقها او نزلت على الارض تفور دموع الشرف والخيانة أصعب مما تتخيلون .

الشيطان : انا فكرت له في فكره كويسة ويبقي منها خلصنا منه وانت تبقي بعيد عن الشبه وكمان يبقي ما فيش ولا سجن ولا قتل ولا اى حاجة هما اللى هيقتلو بعض وكمان علشان ما حدش يقول المخدوع قتل صاحبة علشان خانو فى مراتو .

المخدوع : أنا مش قادر أفكر انا هقتل الاتنين .

الشيطان : بس يا اهبل اسمع كلامى للأخر .

وفضل الشيطان يحكى على الخطة اللى مرتبها للخبيث وزوجة المخدوع .

وتانى يوم راح الشيطان للخبيث وقالو الواد طلع صاحب المخدوع ونفسو يخلص منه معاك حتة سلاح تكون حلوة علشان انا ما عيش وهتها وهنروح نجيبو احنا متفقين معاه اننا هنعمل معاه واجب وجيبين مخدرات ومظبطين الاقعدة .

الخبيث : بص يا شطان انا حلفت يقطعلو اوتارو علشان يشوف كل يوم نفسة ويندم ندم عمره :

الشيطان : طب هنفوت عليك الساعة 10 بليل انا والمخدوع بس هات معاك سلاحك كل واحد هيضرب فيه بسلاحو علشان لو اتمسكنا يبقي الحكم شهور مش واحد بس اللى يشيل الحفلة .

الخبيث : صدقو اللى سموك الشيطان سلام .

يفوت الشيطان والمخدوع على بيت الخبيث وينزلو ويمشو مع بعض وهزار وضحك وراحو نفس المكان اللى الشطان شاف فيه الخيانة بتاعت صاحبو .

المخدوع : شوفت البرشام ده يا خبيث البرشامة ممكن تخليك تشيل عربية نقل وكمان بتموت القلب يعنى تخلى القلب حديد .

وفعلا اخد الشيطان 3 برشمات من المخدوع بس برشام ريفو بتاع الصداع والمخدوع بلع كمان 3 ريفو بتاع الصداع والخبيث اخد 3 برشمات نوع من برشام المخدر زى أبترل وبزانول والصاعقة جماجم وكده بس البرشام ده بيخلى الواحد فى كامل عقليتة وبيخلى جسمة شبة مشلول مش قادر يحركة برشام بيعمل تبسط فى العضلات وده للى عنده صرع .

الشيطان : ايه يا مخدوع البرشام ده جامد قوى انا حاسس انى مش قادر اقف أققف كدا يا خبيث .

الخبيث : الله يحرقو ايه البرشام ده ده كارثة انا مش عارف اصلب طولى انا مش هعرف اموت الواد ده .

الشيطان : ورينى سلاحك كدا اتفرج عليه ,

الخبيث : ( يعطى له سلاحة ) ايه رايك ده ( كزلك ) بتاع الجزارين اللى بيشفو بيه البقر ويدبحو بيه .

الشيطان : بص كدا يا مخدوع على السلاح ده .

الخبيث : أنتو قادرين تقفو أزاى انا مش قادر اقف .

الشيطان : بص يا خبيث انت والمخدوع لحد كدا انا نهايتى معاكم أحب أعرفكم / انت يا خبيث قاعد هنا فى نفس المكان الى انت قاعدت فيه من ايام مع زوجة المخدوع وحصل بنكم مشهد ****** وانا شفتو وكنت مستغل ان الحتة دى مقطوعة ومافيش نور وأنت يا مخدوع هو حكم على نفسة بأن يتقطع اوتار ايدو ورجلو انت هتقطعهالو وهتروح ترمى يمين طلاق بس بعد ما تعرفها كل حاجة وتكتبها على تنازل بكل حاجة وتوريها دم الخبيث على سلاحو كدا تبقي قسمة الحق وأنت يا خبيث هتروح المستشفي وهتعمل محضر ان ده سرقة بالاكراة لو فكرت انك تقول لسه في واحد برة اللعبة هيبقي عندك المقامر هخليه يخلص عليك او يشوة حد من علتك وانت فاهم المقامر أعصابة على قدو .

الشيطان : انا هديكو ضهرى واتمنى لكم سهرة سعيدة انا في الشارع علشان تبقي كل حاجة تمام .

بس للأسف ديما بتيجى الرياح بما لا تشتهى الانفس ولأول مرة اعمل خطة وتبقي غلط وهى ان لما المخدوع بيضرب الخبيث بالكزلك فلت من ايدو وجه على عرق حساس عند الخبيث قضى بحياتو .

وسلم نفسه فى القسم ولكن كانت صدمة المخدوع اكبر مما تخيلت فى انه يقتل اعز اصحابة بالنسبة للمخدوع فخف عقلة ووصل لمرحلة هستريا وزى منتو عاوزين تقولو اتجن ورغم ذلك حكم عليه بــ 15 سنة سجن مع الرئفة لحالو ولموضوعو لان المفروض هو قتل عمدا وللاسف الشيطان كان برة الحوار نهائيا ولا حتى ذكر اسمة وكأنة شيئ لم يكن .

بعد جنازة الخبيث راح المقامر للشيطان وقالو عاوزك بعيد وفعلا راحو عند مكان القتل وقالو

المقامر : هنا واحد صاحبنا اتقتل وهنا وحد صاحبنا قتل وأتجن وهنا واقف انا وانت وهنا هتقولى ايه اللى حصل أنا عارف ان المخدوع لو عاوز يقتل الخبيث كان هيقتلو جو بتهم كان هيقتلو قدام الناس فيه شطان دخل فى النص ما بنهم فيه شطان وقع ما بنهم فيه شطان جوه الشيطان وهنا هطلعو لو محكاش ليا ورفع سلاحة على الشيطان :

الشيطان : عيب عليك نزل سلاحك لو واحد تانى اللى عمل الحركة ديه كنت ندمتو ندم عمره عليها أها انا الشيطان اللى وقع ما بنهم انا اللى خطت لكدا انا السبب بس افهم الحكاية .

وفضل الشطان يحكى ما القصة ليه من بداية لما شاف الخبيث وهو مع زوجة المخدوع لحد ما راح للمقامر وكذب عليه لحد وقت القتل وكل اللى عاملو المقامر والشيطان البكى البكى بصوت عالى البكى بهستريا لحد ما عدى عليهم ساعات وهما بيبكو ويفتكر الزكريات وهما بيفتكرو الاكل اللى كانو بيكلوة مع بعض وهما بيفتكرو ضحكهم وجريهم ومقالبهم وشكلهم وحبهم ويوم جواز المخدوع ويوم ما الشيطان عمل عملية وهما اللى كانو جنبه اكتر من اهله ويوم ما الخبيث اتزنق في فلوس وكله باع اللى معاه وباعو حاجتهم علشان يطلعوة من مزنقة بيفتكرو يوم ما المقامر لعب قمار فى المنزلة وكان هيتقل هناك وهما هربوة وكانو هما اللى هيموتو مكانو ذكريان ذكريات ذكريات لحد الصباح ودموع الشيطان والمقامر على خدودهم على اغلى ناس عندهم .

وسائت حالة المقامر وبقي ما بيسبش القهوة ولا ليل ولا نهار كل تفكيرو فى القمار كل تفكيرو فى الكتشينة كل حركات صوابع عبارة عن عد وفرنتة وسحب ونفلة .

يتبــــــــــــــــــــــــــــــــــع

الجزء الثالث والاخير ( مقتل المقامر )

رد مع اقتباس
  #6  
قديم 2009-04-10, 10:03 AM
الصورة الرمزية eima
eima eima غير متواجد حالياً
 
تاريخ التسجيل: Apr 2009
الدولة: بورسعيد
المشاركات: 184
eima is on a distinguished road
افتراضي

بجد بشكر كل اللى تابعو القصه
بس ليا سؤال :
هو المنتدى ده حديث
وعاوز اعرف كمان هو اساسا تبع بلد أيه

شكرا
رد مع اقتباس
  #7  
قديم 2009-04-10, 12:53 PM
الصورة الرمزية amralbob
amralbob amralbob غير متواجد حالياً
 
تاريخ التسجيل: Jan 2009
الدولة: مــــــــــصـــــــــــ ام الدنيا ـــــــــر
المشاركات: 1,711
amralbob is on a distinguished road
افتراضي

بجدتسلم اديك ومشكور وبجد قصه جميله اواي
رد مع اقتباس
  #8  
قديم 2009-04-13, 09:36 AM
الصورة الرمزية Silver
Silver Silver غير متواجد حالياً
*_* عـدو المرأة *_*
 
تاريخ التسجيل: Feb 2008
الدولة: مـــــــــ ام ـــــصــــ الدنيا ـــــر
المشاركات: 5,052
Silver is on a distinguished road
افتراضي

استمر ف متابعتك للموضوع

تسلم ايديك ايما

منتظرين ...
__________________
رأيت الهَم في الدنيا كثير ... وأكثره يـكون مــن النساء

فلا تأمن لأنثي قــط يوما ... ولوهبطت عليك من السماء

رد مع اقتباس
  #9  
قديم 2009-04-13, 09:36 AM
الماجيك الماجيك غير متواجد حالياً
 
تاريخ التسجيل: Mar 2008
المشاركات: 551
الماجيك is on a distinguished road
افتراضي

الجزء الأول جميل أوى

استنى لما اقرى الجزء التانى

وهاقولك رأيى عليه
رد مع اقتباس
  #10  
قديم 2009-04-15, 01:09 PM
الصورة الرمزية eima
eima eima غير متواجد حالياً
 
تاريخ التسجيل: Apr 2009
الدولة: بورسعيد
المشاركات: 184
eima is on a distinguished road
افتراضي

الجزء الثالث :

بعد ما بقي المقامر حاله بقي حال وبقي كل همه الكبير القمار معتقد ان القعدات دى بتنسية اصحابو وبداء الشيطان ملزمتو خوفا ً عليه من اى شيئ معتش الا هو الصديق الباقي وبقي بيخاف علية أكتر من نفسة العجيب ان الشيطان بقي حالو أعجب بقي مش الشيطان اللى الناس تعرفو بداء يلتزم بداء جلساتة تبقي محدودة بدأء يعرف طريق الاصلاح والخلاص .

وفى يوم وهو مع المقامر جه 3 شخصيات من مكان فى بورسعيد أسمة ( الدريسة ) هو مكان عبارة عن عشش ومساكن أقل من الشعبية وعشوائيات وأوائات وجم مع أشخاص كان المقامر مخسرهم فلوس اللى كانت معاهم وقالو أحنا عاوزينك تلاعبنا بس احنا ما بنلعبش الا في قهوتنا ابقي تعالنا الدريسة وقول جاى للطناحى او الميت أو الصعيدى أى حد فينا احنا الــ 3 الدريسة كلها هدلك علينا بس ابقي تقل جيبك ومتخفش احنا رجالة مش اللى في دماغك واللعب يا مكسب يخسارة .

طبعا الطمع بريقة كان فى عين المقامر :

المقامر : عارف يا شطان انا لو كسبتهم متهيألى يتعملى تمثال .

الشيطان : متبقاش أهبل أنا قايلك قانون ليك أمشي عليه العب بمبلغ صغير ولو خسرت متفكرش تلعب تانى ومتفكرش تلاعب نفس الشخص اللى كسبك علشان هيكسبك تانى الاعتراف بالخبرة مش عيب وكمان تلعب في منطقتك متلعبش برة المنطقة بتاعتنا وانت بتخلفنى متحولش تبعد عن عينى متنساش يوم ما كنت في المنزلة وكنت هتتقتل وهربناك واحنا اللى كنا هنتقتل مكانك لو كنت ناسي الضربتين اللى اخدتهم فى قلبي بسببك افكرك واورهوملك تانى علشان تعرف ان كلامى ديما بيبقي هو الصح العيال دى لو كسبتك هتمضيك على وصلات امانة وهحششوك وهيبرشموك علشان متعرفش تلعب انا اعرف الطناحى دى شخصية اكتر من زبالة ولئيم لئم الدنيا وما يعرفش أبوه على التربيزة وأعرف الميت سلاحة سابق لسانة ومش عارف طلع برة الدريسة ازاى ده عليه احكام ومسجل خطر وناس كتير عاوزين دمة .

المقامر : انت هتعمل فيها ولى أمرى انت كنت ولى أمرى لحد ما المخدوع والخبيث راحو دلوقتى خالتى وخالتك وأتفرقت الخالات أنسانى بقي وهروح العبهم ومش عاوز نصحتك خليها ليك وخلى الفلوس اللى هخدها منهم ليا دول عبط ومالهمش فيها ده تخليص حساب مع الرمال لما نفضتو وخليتو على الحديدة ومش هسبهم الا لما اعلم عليهم .

الشيطان : يا مقامر انت اخويا ومن واجبي احافظ عليك احنا مش كتير على بعض ولو انت عاوز تفارقنى فارق بس انا هبقي عامل زى ضلك اللى فى ضهرك انت هتروح امتى .

المقامر : هروح على واحده بليل علشان الحكومة تبقي هادية وما يحصلش كبسات وكلو يبقي فى عشو على العموم انا عارف قهوتهم الاغبية ما يعرفوش اننا انا وانت والمخدوع والخبيث كنا بنروح ليهم لما كان الخبيث بيلاغى بنت هناك .

الشيطان : أأأأأأأأأه عرفتها الله يحرقك دى فى نص العشش يعنى لو اتحط عليك مش هتتطلع سليم يلا سلام.

الشيطان يومها فضل مزاجه مش طبيعي حاسس ان فيه كارثة هتحصل وتمر الساعات زى السنين عاوز اليوم يمر في ثانية علشان يقابل المقامر تانى يوم تمر الساعات والشيطان بيقلب نفسة على سريرو يمين وشمال مش مطمن لحد ما بقت الساعة 2.30 ليلا ً قام ولبس وكان زى المجنون وجه والده الله يرحمو يسئلو انت رايح فين دلوقتى مش هينفع تنزل :

الشيطان : سيبنى يا حج انزل ابوس ايدك لو منزلتش دلوقتى حاسس ان المقامر فيه حاجة .

والد الشيطان : يابنى انت اهبل لو نزلت علشان تفوت على واحد في الميعاد ده مترجعش تانى ابقي بات عندو ابقي خليه ينفعك ك

الشيطان : سامحنى يا حج ابوس ايدك سلام انا نازل .

ومافيش تاكس لقيه فى الساعة المتأخرة دى قام اخدها ماشي شوية وشوية جرى وحاسس ان فيه حاجة وفعلا اول ما بدء يوصل الدريسة داخل على صوت ناس بتصوت وبتهلل ( أسعاااااااااااف أسعاااااااااااف ) وناس بتقول كباية ميه عاوز يشرب .

الشيطان يبعد الناس ويخبط فيهم بهستريا كأنو حاسس وفعلا يلاقي اللى متوقعة ميييييييين المقامر .
الشيطان يشوف المقامر قاعد وساند على عشة بضهرو ومضروب فى خده اليمين وأعلى جبهته والدم مش مبين ملامحة من الضوء الخافض بس هو نفس التيشرت الابيض فى الازرق وكان أخد طعنة في أعلى الجبهة اليمين وطعنة فى الصدر جهة اليمين وطعنة في الفخد اليمين وجرح قطعى من أعلى الضهر حتى المنتصف وكان كل هذا وهو فى سكرات الموت .
وحضرت سيدة كبيرة وفى ايديها ازازة ميه واخدها منها الشيطان وسند المقامر :

المقامر : شيطان الحقنى الميت والطناحى والصعيدى اخدت منهم 3000 جنية وبعد ما طلعت من القهوة لفو ورجعولى وقامو بتقطيعى انا محتاج المخدوع لو كنا زى محنا مكنش حد قدر يقرب منى انا كنت بلعب وعارف ان مافيش حد يعرف يأذينى .

الشيطان : بس أسكت أسكت وأشرب ميه .

الشيطان ما كنش يعرف ان لو فى جرح فى الصدر ممنوع الشرب وفعلا اول ما شرب المقامر الازازة بتنزل ميه بس هو ما بيشربش هو ما بيحركش فمه المقامر مات .
مات المقامر مات الشاب اللى كانت الضحكة ما بتفرقش وشه مات اخف دم فى الاربع اصدقاء مات صاحب المقالب مات شاب كان وحيد ا ُ لدى والديه مات الصديق الباقي للشطان مات الصديق على صدر الصديق مات والفلوس بتتساقط من جيبه مات والدموع بتتساقط من عينة والدم يتساقط من جبهتة مات والدم والدموع يتخالطو بدموع الشيطان على خدود الشيطان مات وسط اهااااااات الشيطان مات وسط حسرة الشيطان مما اصابة واصاب اصدقاءة واحبابة .

رحماك الله يا صديقي رحماك الله يا يوسف رحمك الله وتاب عليك ويجعل قبرك حفرة روضة من روض الجنة ولا يجعلها حفرة من حفر النار رحماك الله يا يوسف .

كان من الصعب الدخول عربة الاسعاف داخل العشش شال الشيطان صديقة المقامر على كتفة ومنع احد ان يرفعة معة او يشيل معه احد وكان المقام يتساقط من جيبة الفلوس وكانت بيده ايضا فلوس ولكن تهاوت منه فى الجرى وكأن الــ 3000 كأنهم 300000 جنية كانو في كل مكان كانو مفروشين كلقصائيص ولكن الصدمة ان مرضاش الاسعاف ياخد الجثة قال ليه ما بنخدش ميتين صاحبك ميت ولكن يقف سيارة ربع نقل ويقول للشيطان هاتو فى الصندوق .
اااااااااااااااااااااااه يا زمان اه لقمة الجرح ااااااااه لقمة المزلة اااااااااااه لمنظر الشيطان راكب فى صندوق عربية ربع نقل ومعاه صديق عمره المقامر جثه كانها دبيحة طلعة من السلخانة مر الوقت من الدريسة حتى مستشفى الاميرى العام ببورسعيد كانه اكتر من سنه وبعد ذالك يأمرو بتشريح الجثة تانى يوم ويطلب الدكتور المشرح من اهل المقامر احد يدخل معه غرفة التشريح ويفاوضون الشيطان .

أصعـــــــــــــــــــب شيـــــــــئ

اصعب شيئ رأه الشيطان فى حياتة حين مد مشرط الدكتور فى رقبة المقامر حتى اسفل البطن واخراج اجزاء صديقة امامة وكأنة فرخة عند محل الفراخ ويقوم بتنضيفها ولكم ان تشعرو بما يشعر بيه احد يرى اجزاء حبيبة امامة .

وتمت الجنازة تحت حراسة الشرطة والشيطان معهم فى الجنازة لم يبكى ولكن ......

يتبــــــــــــــــع .

أنتظرو الشيطان والثلاثى الهارب

رد مع اقتباس
إضافة رد

مواقع النشر (المفضلة)

الكلمات الدلالية (Tags)
الشيطان, eima, حقيقية(, والمخدوع, والمقامر, والحبيب

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أدخل وأترك أهدائك .... ( eima ) .. eima منتدي الفنون الادبيه 28 2010-04-09 06:40 PM
عاووز تشارك معانا ( 2 ) eima ... eima المنتدى العام 24 2009-05-18 04:55 PM
عاوز تشارك معانا ( eima ) eima المنتدى العام 25 2009-04-29 03:48 PM
ذكرياتنا يلا نفتكرها ..... (eima ) eima المنتدى العام 8 2009-04-29 11:25 AM


الساعة الآن 09:14 PM.


Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd. TranZ By World 4Arab
www.q8-one.com