فرصة ولا فى الاحلام للعمل بالخليج

[نوااف]

مطلوب للعمل بالخليج فورا دبلوم ماشى معهد شغال كلية خير وبركة وماجيستير يا سلام دكتوراة يبقى كتر خيرك مكتب السفريات هايبلغك اسم الدولة بعد عرضك على الكفيل ويقلبك ويشوفك كدا ولما يقرر يخدك هيقولك الدولة اللى هاتروحها وطبعا مش فارقة أهى غربة والسلام المرتب حسب شغلك لو شغال كويس هتاخد ألف من عملة البلد اللى هتروحها لو مش شغال هتاخد على دماغك أما عن طبيعة العمل فهو العمل فى أى حاجة تنطلب منك وساعات العمل لغاية ما تقع من التعب الراحة الأسبوعية هى وظروفها يعنى ممكن تشتغل عشرين يوم ورا بعض رخصة القيادة مطلوبة وهاتطلع الرخصة الخليجى هناك على حسابك و لو هاتستلم عربية هاتمضى على ايصالات بثمنها أو اكثر يعنى مدبس مدبس ولك أسبوعين أجازة على حسابك كل سنين والتذاكر عليك عايز تسافر على جمل براحتك المهم كله عليك لو معجبش الشغل هناك وعايز تمشى بسيطة ادفع بس ما يساوى خمسين ألف جنية مصرى وتوكل على الله أما لو اتعوجت وتمردت يا ويلك على هاتشوفه أما التأمين الصحى هو الميزة الوحيده فى العقد فكله على الكفيل غير حاجه بسيطة عليك وهى الأسنان والباطنة والقلب والأذن والحنجرة والصدر يلا بسرعة متفوتش الفرصة يلا سيب أهلك وعيالك واتغرب واتبهدل يلا علشان تعمل مقابلة مع الكفيل علشان تقف قدامه وتعرض نفسك ويشوفك ولو عجبته ماتنساش عمولة المكتب وهى عشرة ألاف بس ياعم وسافر مع السلامة مع تحيات مكتب أهى غربة والسلام شارع 100 بهدلة المتفرع من 60 نصيبة مدينة الأوهام أسف على الخبر دا أنا عارف إن فيه مبالغة بس مش بعيد كتير عن الواقع0142212370