|
المنتدى العام للنقاش الهادف والبناء والمواضيع العامه |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
آخر حدود الوطن(تاريخ مصر فى أغنيه)
(مودى راب)(آخر حدود الوطن)
دى أغنيه راب حلوه جدا وزى ما أنا معوداكم كل ما أغنيه راب تعجبنى هكتبلكم كلماتها بس الأغنيه دى مميزه جدا اتفضلوا : : مقدمه: هذه الكلمات موجهه لكل من حاول النيل من هذا الشعب العظيم وكذلك الى شعبى فلك أن تفخر أيها المصرى بعروبتك وكذلك بمصريتك تاريخ مصر: هو أطول تاريخ مستمر لدولة فى العالم لما يزيد عن ثلاثة آلاف عام قبل الميلاد تميزت مصر بوجود نهر النيل الذى إعتبر السبب الأساسى لقيام حضارة عريقة بها كما تقع مصر بموقع جغرافى متميز أدى هذا الى قيام حضارة عرفت بأنها أقدم حضارة فى التاريخ البشرى : : : البدايه التاريخيه كانت فى وادى النيل واحده واحده معايا الوقتى هنتكلم عالأول فيه الاستقرار وبداية الزراعه والنهوض ومواجهة الطبيعه اول خطوه فى الصمود الفراعنه كانوا سنة ألفين قبل الميلاد استطاع الملك مينا انه يوحد البلاد عصر الدوله القديمه الكتابه الهيروغليفيه لما بنوا الأهرام بدأت حضاره حقيقيه مومفيس أول عاصمه اتأسست منها البدايه للتاريخ المصرى الأسطورى ركز معايا عصر الدوله الوسطى بدأ مع حكم الأسره السابعه اتقسمت البلد حصل مشاكل متتابعه لكن رجعت تتطور تحصل حضاره جديده هي ازدهار الزراعه والصناعه اليدويه الهكسوس الغزاه إحتلال لأرضنا لما أحمس البطل قدر يرجع حقنا بعد الحرب بقينا أعظم امبراطوريه فى العصور القديمه دى وقائع تاريخيه حتشبسوت نفرتيتى إخناتون توت عنخ آمون نماذج من التاريخ اللى مدفون ** تعرضت مصر منذ حكم الأسره 21 حتى 28 لإحتلال كل من الآشوريين عام 670 قبل الميلاد ثم الفرس حتى انتهى حكم الفراعنه مع الأسره 30 الاسكندر المقدونى حرر مصر من الفرس 333 قبل الميلاد لما دخل مصر ما حاربش كتير عشان ياخدها بسهوله سيطر على شعبها ومواردها اسكندريه على اسمه أسس مدينته خلى نفسه ملك على مصر وكان نتيجته البطالمه السلاله الملكيه 15 ملك بطلمى السيطره الأساسيه مركز الحضاره اسكندريه والفنون والصناعه والتجاره والمناره والعلوم اقليدس العظيم والعلوم الهندسيه مكتبة اسكندريه والكتب الثقافيه 700 ألف كتاب نص مليون لفافة بردى أنا بحكى عن حضاره قامت عاشت على أرضى احترام الديانات المصريه كان طريق كل ملك حكم مصر م اليونان كان جرئ 30 قبل الميلاد كان عصر الدوله الرومانيه اسكندريه كات ليها اهميه اقتصاديه كانت تانى مدينه أهميه بعد روما ليها مكانه خاصه فى العصور القديمه أول كنيسه فى مصر القرن الأول الميلادى أول ديانه سماويه على ارض بلادى الاضطهاد الرومانى ضد المسيحيين الأقباط كانوا أصلا مصريين ** ماذا نقول عن ****** المصطفى فمحمد للعالمين إماما الإسلام 641 ميلاديه دخل مصر كانت بداية مصر الاسلاميه قائد عربى مسلم الوالى عمرو ابن العاص الجيوش الإسلاميه جت حطت حجر الأساس عمر ابن الخطاب فى عهده كانت البدايه رضى الله عنه نبدأ نحكى الروايه المساجد والنقوش المعماريه الاسلاميه التغير الأساسى هنا جوه الأرض المصريه سنين كتير تمر وتيجى الدوله الفاطميه الأزهر الشريف ونقله تانيه حضاريه ومدينة القاهره بنى جوهر الصقلى لما بسأل هيه فين ناس كتير بتيجى وتقوللى الدوله الأيوبيه والقائد صلاح الدين رفع الرايه الاسلاميه هزيمة الصليبيين مين فينا يقدر ينسى الملكه شجرة الدر هي واقفه فى عز الحرب والملك بيحتضر المماليك والدفاع عن مدينة المنصوره سيف الدين قطز القائد الأسطوره انتصار على التتار فى حرب عين جالوت الله أكبر والهجوم فى عز الموت بأعلى صوت العصور المملوكيه والقرون المستضيه الحروب الصليبيه والمعارك القوميه 1516 موقعة مرج دابق العثمانيين واتهام العصر السابق سيطره عثمانيه على أرض مصر لما السلطان سليم الأول جوه مصر بكل همه خلاص بقينا تحت الحكم التركى العثمانى مرحله تاريخيه كانت لسه مجننانى الحروب متواصله جت الحمله الفرنسيه نابليون بونابرت بنفس القائد العمليه طعنة سكينه فى كليبر من ايد سليمان الحلبى بطل ولا على الزيبق من أيام صنقور الكلبى الحمله الفرنسيه على مصر نابليون بونابرت والسيطره الفرنسيه مرحله استعماريه المماليك والمقاومه المستميته التغير السياسى للدول على الخريطه معركة أبو قير بين فرنسا وبريطانيا جوه مصر أنا لسه مستني الجيوش التانيه 1798 لحد 1801 استمرت 3 سنين القرن ال 19 عهد محمد على باشا بقايا المماليك والنفوذ بتتلاشى حملة فريزر 1807 الأطماع الأوروبيه كانت لسه نابعه 1811 كانت مذبحة القلعه جيوشه كانت طالعه والأراضى كانت سلعه الدوله العثمانيه والدول الأوروبيه التحالف العسكرى تحت القياده المصريه فردينان ديليسيبس صاحب فكرة القنال المصريين بيموتوا بالتعذيب والاستغلال الثوره العرابيه والانتفاضه الشعبيه التدخل الأجنبى فى الشئون الوطنيه 1802 ل 1880 الاحتلال الانجليزى لأراضى المصريين واقعة دنشواى والحرب العالميه لحد ثورة 19 مرحله تاريخيه ** هكسوس على مماليك فرس ويونان أتراك يا عم مين خلاك تعشق تراااااب ملكش فيه ولا قبر والعيشه مر وقهر وبالحساب والجبر تجيب عشاك فتافيت |
#2
|
||||
|
||||
** هكسوس على مماليك
فرس ويونان أتراك يا عم مين خلاك تعشق تراااااب ملكش فيه ولا قبر والعيشه مر وقهر وبالحساب والجبر تجيب عشاك فتافيت
__________________
افضل 15 مشارك |
#3
|
||||
|
||||
ميرسى ليك رضوان عالمرور
|
#4
|
||||
|
||||
يا كارمن انا عاوز أسمع الأغنيه دي
شكلها جامده أووووووووووي ممكن تنزليها هنا ؟؟
__________________
افضل 15 مشارك |
#5
|
||||
|
||||
أعتقد يا عمور انه مينفعش
عالعموم اسال لنا سيلفر ينفع اجيبها هنا واللا لا ميرسى ليك التعديل الأخير تم بواسطة karmen ; 2009-08-02 الساعة 12:45 AM |
#6
|
||||
|
||||
وضع إسم الأغنيه
بص عالعموم خد اهى
التحميل [عزيزي الزائر يتوجب عليك التسجيل لمشاهدة الرابط للتسجيل اضغط هنا] ولو كانت مخالفه لقوانين المنتدى سيلفر يلغيها بقى التعديل الأخير تم بواسطة Silver ; 2009-08-02 الساعة 07:54 AM |
#7
|
||||
|
||||
خلاص هحملها وامسح الرابط علطول ..
__________________
افضل 15 مشارك |
#8
|
||||
|
||||
بص انت ممكن تسيب الرابط
بس اكتب عليه اسم الأغنيه متخليش اسم الموقع كده اصل انا مش بعرف اغير الاسم اللى على الرابط وممكن تكون مش مخالفه لما نشوف سيلفر هيقول ايه |
#9
|
||||
|
||||
خلاص حملتها وهسمعها ..
__________________
افضل 15 مشارك |
#10
|
||||
|
||||
أوكى يا عمور
ميرسى ليك عالمرور |
مواقع النشر (المفضلة) |
الكلمات الدلالية (Tags) |
أغنيه), الوطن(تاريخ, حدود |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قول إسم مطرب واللي بعدك يقول أغنيه ليه | karmen | اللعـــب | 59 | 2009-12-18 09:37 PM |
لابد أن أستأذِن الوطن (نزار قباني) | karmen | منتدي الفنون الادبيه | 2 | 2009-12-13 01:50 PM |