كيــلو مشـكّل يا ريـّس ..@

[follow me]

السلامـ عليكمـ
ازيكمـ كلكمـ .. عاملين ايه
كل سنه و انتوا طيبين ..

طبعاّ انتوا مستنيين الموضوع ده من فتره .. و معلش انى اتأخرت عليكمـ فيه
بس اللى أخرنى انى كنت مستنى اعمل موضوع كويس و مهمـ
و انى اعرضه بشكل مرضى و كويس

هو الموضوع يعتبر مقزز شويه .. بس ظاهره و انتشرت و كبرت اوى فى فتره عدت و يمكن لسه موجوده


كيلو مشكل يا ريس




الواحد بيدخل اى مطعمـ .. يحط رجل على رجل .. و ينده بصوت واضح كده مسموع
كيلو مشكل يا ريس
لازمـ طبعاّ الناس تعرف انه هياكل كيلو مشكل ... كباب على كفته و يمكن يحبس بكامـ حته ريش
ده كده يعتبر الراجل ده من الفئه العليا عشن ياكل كباب و كفته .. و كل يومـ



طيران يجيله الصبى و ينزله المطلوب و الباشا ياكل و يمزج و يعلى الدماغ و فى الاّخر
ينده بنفس الصوت الحلو . بس بيكون ضعيف من كتر الأكل بقى
الحســاب لو سمحت
و نلاقى الباشا دفع .. 12 جنيه
ياااا نهار ابيض .. ايه الاسراف و البذخ ده
الراجل ده مبذر جداّ عشان يصرف المصاريف الرهيبه دى و كل يومـ ياكل كباب و كفته و ريش

بس اللى اعرفه يعنى ان اقل كيلو مشكل ... بــ 60 جنيه







طيب الـ 48 جنيه دول راحوا فين ... ياترى وزاره الصحه مدعمه اللحمه دى للمواطنين الغلابه
ولا اصحاب المحلات و الجزارين هما اللى مدعمين اللحمه دى


سؤال تخين بيفرض نفسه !!!

هل ده نوع من انواع الفســاد
ولا نعتبره حاجه لصالحنا .. بشرط نكون مش عارفين نوع اللحمه دى و مصدرها

طيب نتكلمـ و نعلى صوتنا .. ولا الغلابه هيزعلوا مننـا عشان ضيعنا منهمـ الفرصه
فرصه انهمـ بقوا بياكلوا لحمه يجى 5 مرات فى الشهر و يمكن اكتر

الناس دى يمكن من كتر حرمانهمـ مش هيركزوا فى اللى بياكلوه .. المهمـ عندهمـ
تحقيق المبدأ ... انهمـ ياكلوا لحمـه





طيب تخيلـوا ان واحد يفضل ياكل من اللحمه الرخيصه دى فتره كبيره و فى الاّخر يكتشف انها لحمه حمير
و فى الاّخر يعرف ان رصيده فى الأكل بقى حمارين و كلب


طيب الناس من كتر الأكل .. هل هيتأثروا او يجرالهمـ حاجه




او ممكن اللى حواليهمـ يحسوا منهمـ بتغيير .. من كتر اكل اللحمه دى



( حاسس بيكى يا ختى و الله ... ابقى كلى انتى لحمه كلاب و عضيه )



السؤال المحير و اللى عايزينله اجــابه بقى ...

وزاره الصحه فيــن ... للدرجه دى الموضوع سهل و بسيط .. ده ممكن كمان يشتروا من اللحمه دى و هما مش عارفين

او يكونوا عارفين .. و ينزلوا قرار جديد




طيب و الناس تعرف منين و تفرق ازاى بين اللحمه الكويسه و اللحمه المنهقه .. هو احنا بنشوف الماشيه و هى بتتدبح





و هل ياترى الكامـ حاله اللى الوزاره اكتشفتها لجزارين و مطاعمـ بتبيع لحومـ حمير ... هما دول بس اللى موجودين ولا فى تااااااااااااااااانى







الحمير دى لو بتنطق .. كانت قدمت استجواب فى مجلس الشعب .. او شجبت فى وزاره الصحه




ياعينى ع الحمير دى ... بتتهان طول عمرها و فى الاّخر تتدبح







معلش انى طولت عليكمـ .. و معلش لو الموضوع مقزز شويه
بس اهى مشكله من المشاكل الكتيره و ظاهره لازمـ يتوضعلها حد

شكــــــــــــراّ


ارجو الردود بالمنـاقشه
و التقييمـ .. اذا نال الموضوع اعجابكمـ

طبعاّ
مش منقــول