أبوخ موقف محرج حصلك

[vindiesel]

سلامو عليكو


انا قلت لازم اشارك بقى من غير كسوف ولا احراج


ما انا فى بيتى ومع اخواتى


الحكايه دى بقى فيها موقفين محرجيييييييييييييييييين وبايخييييييييييييييييين جدا جداد
والموضوع ده حصل فى جامعه المنوفيه

انا كنت فى جامعه المنوفيه قبل ما احول جامعه بنها وكنت مش سايب الناس فى حالها انا والشله مفيش حد يعدى الا لما نغتت عليه سواء ان كان بنت او ولد بس طبعا لو قابلناهم تانى يوم مش هنعرفهم
وفى يوم من الايام لقيت موبايلى بيرن ياترى ميييييييييييييييين؟؟!! "لا مش اللى فى دماغكم خالص" ده كان رامى صاحبى عبقرينو الدفعه بتاعتنا لقيته بيعزمنى على حفله عيد ميلاد خطيبته وبيقولى مش راضيه تعمل الحفله الا وانت معانا "مع انها مشافتنيش الا مره واحده كانت قاعده مع رامى ورحت سلمت عليهم وسبتهم ومشيت" المهم علشان مطولش عليكوا قلتله يارامى انا مش عارف حد هناك وبلاش احراج بس طبعا هو لازم ينفذ طلب خطيبته وبعد محاولات انى اهرب من الحفله بس منفعش خالص وفى الاخر بعدين رحت لقيت اييييييييييييييييييه! حفله جامده فى الكافيتريا وناس ملهاش اول من اخر والمصيبه الكبيره انى كنت انا ورامى بس الصبيان اللى موجودين فى الحفله والباقى كلهم بنات ييجى حوالى 20 او 22 بنت المهم التورته نزلت وكانت ايه "فله -موز -عنب" يعنى تمام ورايقه منظرها لوحده كفايه وجت تقطع التورته هى ورامى لقيتها مره واحده قالت لا محمد هو اللى هيقطعها معايا "ياخبر" انا بقيت واقف فى نص هدومى مكسوف جدا ومحرج جدا من رامى وده كان الموقف الاول بس انا عرفت هى عملت كده ليه بس بعدين كان رامى مكلمها عنى بعد ما سلمت عليهم وسبتهم ومشيت اول مره شافتنى فيها فلما لقته بيحبنى اوى وانى تمام وجدع معاه فقالت لازم انى احضر الحفله وقالت تعمل حاجه جديده وغريبه وكانت الحاجه دى هى الموقف البايخ اللى انا اتحطيط فيه وبعدين عدى الموقف على خير وخرجت منه زى الشعره من العجين لما قلت لها انى واخد عهد على نفسى انى مش هقطع اى تورته خالص غير تورته فرحى مع عروستى فلو تقبلى انك تكونى عروستى وتسيبى رامى انا موافق انى اقطع التورته فطبعا كانت الاجابه "لأ " وهو ده اللى انا عاوزه
المهم قعدنا اكلنا وشربنا فكانت القعده مش لزيزه بالنسبه ليا لانى بحب اضحك وانا مش لاقى حد اضحك معاه لان رامى طبعا دلقنى ونفض لاهلى وقعد مع خطيبته وانا مش عارف اكلم مين رحت متعرف على واحده من اللى قاعدين واتفقت معاها اننا نقلبها ضحك ومسخره تخيلوا عملت ايه؟؟ رحت واخد الموبايلات بتاعتهم كلهم ومخبيها فى شنطه واحده منهم ههههههههههههه وشويه ياجماعه بدأوا يسالوا على الموبايلات بس المفاجأه بقى ان الموبايلات معظمها رن فى وقت واحد "زى ما نكون قاعدين فى سنترال"وكانت الليله مسخره بس فى وسط ده كله انا ملاحظ ان فيه واحده قاعده بتبص لى وعنيها بتقوللى انها عارفانى عز المعرفه بس بنظره شر انا عمال افتكر فيها وافتكر وافتكر لحد ما جت اللحظه اللى مش ممكن انساها ابدا افتكرتها اخيرا "يالهوووووووووووووووووووووووووى" البت دى بقى كنت مطلع عينيها فى الراحه والجايه لما كنت فى جامعه المنوفيه بس انا مش فاكرها وطبعا هى فاكرانى بكل شر طبعا انا كنت قاعد فطسان على نفسى من الضحك والتهريج والمسخره اللى عملتها فى القعده بس اول ما افتكرتها طبعا بقيت فى نص هدومى لتانى مره فى قعده واحده وخصوصا لما عرفت انها الانتيم بتاعه خطيبه رامى رحت قايل لنفسى ايه !! اخلع بقى يامعلم لحسن نهارك مش هيعدى كده فل اوى وده كان الموقف التانى


معلش لو كنت طولت عليكوا بس علشان تفهموا الموقفين وتكون الصوره واضحه <:-p