اوك يا كارمن
فين الاسئله

1-ايه مواصفات فتاة أحلامك فى الشكل والكاركتر؟؟
2-مين من بنات الماجيك ممكن تشدك لدرجة انك ممكن تحبها؟؟
3-حد من اعضاء الماجيك حصل بينك وبينه تاتش وشديته مع بعض قبل كده ولو أه هو مين؟؟
4-مين أكتر انسان بتكرهه فى حياتك مش شرط يكون من الماجيك؟؟
5-مين هو قدوتك ومثلك الأعلى؟؟
6-انت ملتزم فى الصلاه؟؟
7-انت بتشرب سجاير؟؟
جاوب على ما ارجعلك

1-ايه مواصفات فتاة أحلامك فى الشكل والكاركتر؟؟
مواصفات فتاة احلامى يعنى تيجى تاخدنى على حصان ابيض والكلام ده بس يعنى ايه كاركتر ده له دعوه بالكاركتير انا مش بعرف ارسم سوري يعنى يدوبك على قدى يعنى بس هجاوب حسب فهمى وبالراحه عليا وخدينى على قد عقلى ممكن اقول انها لازم تكون محترمه ومؤدبه ومتعلمه وتعرف دينها دول اساسى الفرعى بقى انها تكون مرحه بس معايا انا بس وتستحملنى لانى ساعات بزهق بسرعه واكيد يكون فيه حب متبادل ومعامله كويسه
اما بالنسبه للشكل ما يهمنيش الشكل اوى يعنى تكون ملامحها اموره ومقبوله الشكل وجهها بشوش
2-مين من بنات الماجيك ممكن تشدك لدرجة انك ممكن تحبها؟؟
والله انا ما اتعاملتش مع حد من الماجيك غيرك انتى يا كارمن ولا اتكلمت مع اى حد غيرك فلو فيه حد هيكون انتى
3-حد من اعضاء الماجيك حصل بينك وبينه تاتش وشديته مع بعض قبل كده ولو أه هو مين؟؟
مش تاتش بالمعنى المقصود بس كان ممكن يحصل وكان هيبقى مع جوست بس الحمد لله كله تمام ومفيش اى حاجه
4-مين أكتر انسان بتكرهه فى حياتك مش شرط يكون من الماجيك؟؟
مفيش حد فى الماجيك بكرهه يمكن يكون فيه بره بس مش بمعنى كره يمكن يكون زعل بس وده بره المنتدى
5-مين هو قدوتك ومثلك الأعلى؟؟
انا ما ليش قدوه محدده يعنى انا بحاول اجمع من كل شخصيه الى يفدنى ولو فيه حد متاثر بيه اوى يبقى والدى ربنا يخليهولى هو واالدتى يا رب واخواتى وكل الناس الى اعرفهم والى ما اعرفهمش
6-انت ملتزم فى الصلاه؟؟
الحمد لله بحاول اكون ملتزم اكتر لانى فى ساعات بكون فى الشغل او نايم او مشوار ربنا يقدرنى واكون ملتزم اكتر من ده
7-انت بتشرب سجاير؟؟
لالالالالا الحمد لله جربت ايوه لكن بشرب لالالالالالالالالا

ماشى يا مان
بس برضو متحاولش اخف عقوبه هتكون السجن المؤبد مع الشغل والنفاذ

لو اهون عليكى انا موافق

اه تهون طبعا

هههههههههههههههههه
تؤتؤتؤتؤتؤ
عيب عليك بهزر متهونش طبعا عليه
بس مش انا اللى هفقعك الحكم ده عمرو هو اللى هيديهولك

ربنا يسهل اما نشوف بس بقية الاسئله والحكم فى الاخر

اهلا انت شرفت
تعظيم سلام ونمشى قوام ونوسع السكة للباشا الهمام
اتفضل بلابل بيه

منتظرك يا بلابل
خلصتنى من كارمن كده بقى استلمها براحتى