بكيت على حالى..........................مليش حد وحزين
سألت نفسى مالى.........................قلتلى انك مسكين
مقامك دايما عالى.........................لكن مش لاقى حنين
الحزن دايما ف بالى......................وضحكتى فيها أنين
دايما تايه فى خيالى.......................وهربان من الحقيقة والسليم
كله عايش معايا ..........................وبللى فيا مش حاسين
عايش فى كآبة وهم........................وهم عليا بصين
سايبنى أتألم وأتعذب........................ومش هممهم وساكتين
نفسى يحسوا بيا .........................وألاقيهم لهمومى شايلين
واقف دايما فى مكانى.......................وهم رايحين وجايين
ويعدوا من عليا .........................ولا كأنهم شايفين
تعبت من حياتى .........................حسوا بيا يا بنى آدمين
شكيت كتير وأتألمت........................عارفين شكيت لمين؟
للحيطان والجدران..........................مع انى عارف انهم مش سامعين
مش لاقى غيرهم ...........................هم اللى ليا مستحملين
استسلمت للعذاب ..........................وللحزن قلت آمين
ولو قلت هتحداه ............................مين هيساعدنى مين؟
خلاص انسونى .............................ولا انتوا اصلا ناسيين؟
هسيبكم وأروح ............................وأدور على ناس تانيين
مع انى عارف .............................مش هلاقى حنينين
لكن هحاول وادور..........................يمكن ألاقى ملاك رحيم
