عربيــه و عمــاره ... @

[karmen]

أهم حاجه بالنسبه لى الأخلاق والدين والطموح والعيله المحترمه
وفوق كل ده وده انى اكون بحبه
ان شالله يكون محيلتهوش حاجه طالما بحبه هتجوزه واتحدى العالم عشانه
وطالما هو طموح يبقى مقلقش اكيد هييجى يوم ويحقق كل طموحاته
اهم حاجه ميكونش عنده خمول وكسلى وسلبى يبقى هيفضل فى مستواه ده طول عمره
ثانيا لسه فيه اهالى محترمه وولاد ناس ومش اهم حاجه عندهم العربيه والفيلا
اعتقد ان اهلى اهم حاجه تهمهم التدين والاخلاق
واكيد طبعا يهمهم المستوى اللى هكون عايشه فيه بس لو انا اقنعتهم ان البنى ادم ده كويس اكيد هيوافقوا
بس بينى وبينك هو من حقهم يهتموا بمصلحة بنتهم بس مش زياده عن اللزوم
ميأفوروهاش يعنى
عشان الشباب تلاقى تتجوز
ما هو مش هيبقى هما والزمن والحكومه والظروف المقندله على الشباب
وكمان البنات يبقوا عليهم
دى تبقى عيشه هباب
ربنا يكون فى عون كل الشباب يارب
والظروف تتعدل
ميرسى زيزو عالموضوع الهادف
مواضيعك كلها هادفه وبتناقش قضايا مهمه جدا فى المجتمع
سورى عالاطاله