السلام عليكم ورحمة الله وبركاته
انا جيبالكم لعبة جميلة
الحقيقة انا شفتها في منتدى تانى بس الفكرة عجبتنى وياريت كلنا نشترك ونلعبها

فكرة اللعبة


( عميــــــل سري ) .... يعني تحتـــاج ذكاء شـــوية .. وسهلــه

واهم شي في اللعبــة دى تجاوبـــكم معي عشان نكشـف العميــل السري

من يكــــــــون ......؟؟

اللعبـــه كالآتـــــــي :::

(((( قـــــــواعـــــد اللعبـــــــه ))))

1- انا هختــار عضــــــو انتــو ماتعرفـــوهوش من الأعضـــاء ... بإرســال رســاله خــاصه اليــه بأنه تم اختياره لكي يكون عميل سري .
2- العضـــو اللي إختـــرتــه هيسجــل في المنتدى بإسم ( العميــــل السري ) وانا هبعتله اسم المستخدم وكلمـة المرور اليــه .
3- دلوقتى يجي دوركــم في اللعبـــه .... ودوركــم هو.. انكم توجهــوا للعميل السري اسألــه طبعاً بأســالــتــكم وتكرار الاسئلـه عليه هيتضح من هو العميــل السري ...!! .يعني مثلآ ( بأي الأقسام تشارك أكثر؟؟ ) او ( ذكر ولا انثى ؟) او ( مشرف او عضو ؟) ...وانتم وهمتكم
4- العضــو اللي يحس انــه عرف ( العميـل السري ) يرسـل رســاله خاصه
ليا انا بإســم ( العميـــل ) اي العضـو ولا يذكر اسم العضو من ضمن المشاركات .
5- يجب على العميــل بأن يجيب على الأسئلـــه بكل جديــه ..
6- يحق للعميــل أن لا يجـاوب على الســؤال
الذي سيكشـف امره . ( مثال:: ايه اسمك في المنتدى ) بس مش كل الأسئله يتجاهلها ؟؟
7- لا يحق للعميــل بأن يذكر شخصيــته لأي عضو من الأعضاء .
8- هقولــكم بإسم العضــو الفائز الذي اكتشف العميل .. من خلال رسالتـه.
وســوف اضــع عضـــو اخر اذا عرف العميل الأولـ .....


أول ماتشوفــوا ( العميل السري ) دخل المنتــدى تبتدوا معــاه بالأسئلـه واهوا يرد عليكم يجاوبكم .

واتمنى ان العميل السري ينجح بالمهمة....

واتمنى من جميـــــع الأعضــاء عدم مخالفة الشــروط ..

من اجل المتعــه والتسليــه ..

اول ما ابعت للعميل السرى واعرفه انه هو العميل هقولكم علشان تبتدوا


تم تعديل الموضوع لانى مش عارفة افعل حساب العميل السرى
فلعبتنا هتكون ازااااااااى؟؟؟

انا هكتب اسئلة وابعتها في رسالة لحد فيكم تمام
والحد ده هيبعتلى الاجابات في رسالة خاصة
وانا هقوم بنشر الاسئلة واجاباته عليها
وانتوا عليكم تعرفوا مين هو العميل السري
تمام كدة ولا مش فاهمين حاجة؟

أوكى يا مانوللى لعبه شكلها حلو جدا
ياللا بقى حاولى تختارى حد بسرعه
وعايزين نشوف العميل السرى هنا فى المنتدى فى اقرب فرصه
عشان نظبطه اسئله ونعرف هو مين

انا اخترت يا جماعه العميل السرى وقريب جدا هتلاقوه داخل على الماجيك باسم العميل السرى
وهو حد معانا فى المنتدى
والمفروض دلوقتى تعرفوا هو مين عن طريق ان انتوا تسألوا أسئله تحاول تكشفه لكن بشكل غير مباشر
وهو يجاوب عليكم لحد ما تعرفوا

أيوه خللى بالك
كلنا سهرانين هنا على حماية المنتدى
بنسمع دبة النمل ومش هتعدى مننا بالساهل
ياللا بقى اظهر وبان عليك الأمان

ايه يا مانوللى هو العميل السرى اتضرب رصاصتين وهو جاى فى الطريق واللا ايه
مش ظاهر يعنى ومش طالعله حس

يلا يا عميل ايه اقول اتدخل يا سمسم علشان يشتغل ولا ايه ؟؟؟؟؟؟؟؟

ههههههههههههههههههههههههه يلا بقى اتدخل

لالالالالالالالالالالالالالا
الصبر ليه حدود
هو فين الباشا العميل ده
اوعى يا مانوللى يكون جاسوس
ياللا بقى

سورى يا جماعة هو في مشكلة في التسجيل
لسة اشتراكه متفعلش
ياريت حد من الادارة يبعت رساله تفعيل الاشتراك عالايميل علشان لسة مجتش