ولا انت شايف ايه .....؟؟؟؟!

[vindiesel]

ليـــــــــه .........؟؟؟؟؟


من خلال الفترة اللى قضتها في المنتدى لاحظت حاجة انه
ساعات كتير تلاقي ناس حبت واتخانت
صدقت و اتكدب عليها ؛ ضحت واضحى بيها
قدمت كل حاجة ؛ واللى اقدمتله ده معطهاش اى حاجة وضحى بيها
كتير وكتير عادى بيحصل وهيحصل وهيحصل

أنما اللى مش عادى
انه ليه كل واحد حب واتخان يحكم ويقول مفيش حب خالص.. ؟
ليه كل واحداتخدع يقول خلاص مبقاش في انسان صادق .. ؟
ليه حد لما يكون ايمانه ضعيف نقول خلاص مبقاش في مؤمنين .. ؟
وكتير وكتير بنقول ونعيد في اقاويل

بمجرد اننا يحصلنا موقف او حتى مواقف في حياتنا
بمجرد اننا ندخل تجربة ونفشل فيها
بسبب فرد بيه نحكم على العالم كله انه معدش ليه امان

ليه مش تقول فيه وفيه ..؟
انه زى ما في ناس قذرة في ناس جميلة ليه بنجمع ومش نخص

ليه بنعامل جميع الناس اللى حوالينا بذنب ناس تانية...؟
ليه منفتحش قلبنا من تانى ..؟ ليه مننساش الوحش ونفتكر الحلو..؟

ليه مش نعرف انه في ناس زينا بالظبط اتغدر بيها واتخدعت واننا مش لوحدنا..؟
وان الناس دى محتاجلنا زى ما احنا محتاجنلهم
يعنى احنا اتظلمنا ودوقنا طعم الظلم والجرح نقوم نظلم كل الناس !!

ليه منعرفش ان الطيبون للطيبات و الخبيثون للخبيثات..؟
ليه تجربتنا في الحياة دايما بتضعفنا وتقضي علينا ؛ مش تقوينا ..؟
ليه وليه والف ليه ؟؟؟؟

اقولك على حاجة

مش يمكن ربنا دوقك المر قبل الحلو ؛ علشان تعرف قيمة الحلو وانه نادر
مش يمكن ربنا عمل فيك كدا مخصوص علشان تحافظ بعد كدا على اللى
هيجيلك واللى هتعرفه

اخر كلامى مش علشان واحد تخسر ملايين وتنهى حياتك
واعرف دايما انه هو اللى خسرك وانه اكيد اللى هيقدرك موجود
بس لما انت تقدر قيمة نفسك الاول ....

ولا انت شايف ايه .....؟؟؟؟!